Uviečary 22 sakavika ŭ adnym z haražoŭ u Mahilovie znajšli mašynu z dvuma trupami. Chłopcu było 29 hadoŭ, dziaŭčynie — 27. Prykmiet hvałtoŭnaj śmierci nie było.
Chutčej za ŭsio, heta byŭ nie suicyd, a trahičnaja vypadkovaść. Asnoŭnaja viersija ŭ śledčych — atručvańnie čadnym hazam.
Viadoma, što mužčynu zvali Andrej. Chłopiec — uradženiec Mahilova, ale niaredka jeździŭ na padpracoŭki ŭ Rasiju. Zajmaŭsia budaŭničymi pracami.
Apošnim časam mužčyna byŭ u Mahilovie. Tam jon žyŭ razam z žančynaj — sužycielkaj, ci jak toj kazaŭ, «hramadzianskaj žonkaj». Razam hadavali dačku, chutka joj spoŭnicca 5 hadoŭ. Pakul byŭ doma, Andrej šukaŭ pracu ci padpracoŭki pa śpiecyjalnaści ŭ rodnym horadzie.
Ale za paŭmiesiaca da trahiedyi para pasvaryłasia. Andrej syšoŭ, žyŭ u svajoj maci.
«My bačylisia napiaredadni razam kampanijaj. Uspaminali maładość. Čałaviek byccam raźvitaŭsia. Ubačyŭsia z usimi — i praź niekalki dzion syšoŭ. Da hetaha try hady nie bačylisia», — kaža jaho znajomaja.
Što dakładna zdaryłasia — nieviadoma. Čutki paŭzuć roznyja: niekatoryja kažuć, nibyta ŭ haražy byŭ jašče chtości treci, niekatoryja kažuć pra suicyd… Ale viersija z samahubstvam małavierahodnaja.
Sužycielka Andreja kaža, što jon byŭ adekvatnym čałaviekam i nie pajšoŭ by na taki krok. Toje ž paŭtaraje i siabar zahinułaha: «Mnie zdajecca, ździejśnić suicyd jon nie moh».
Viadoma, što ŭ toj viečar Andrej patelefanavaŭ Darji — tak zvali dziaŭčynu, jakuju znajšli ź im u mašynie. Źbiraŭsia sustrecca ź joj i vypić piva.
Jany viedali adno adnaho daŭno: vučylisia ŭ adnoj škole (praŭda, Andrej byŭ na paru kłasaŭ starejšym). Apošnim časam Darja pracavała pradavačkaj u kramie niepadaloku ad doma mužčyny.
Andrej sustreŭsia z Darjaj. Pajechali ŭ haraž. Pamiaškańnie jon arandavaŭ, mašyna była jaho.
«Ja nie viedaju, ci była jana jaho kachankaj, ci nie… Navat nie viedaju, jak ich tam znajšli, ci byli jany apranutyja, — kaža sužycielka Andreja. — Śledčyja pakul ničoha nie kažuć. Adkazvajuć tolki, što vyniki ekśpiertyzy buduć praź miesiac».
Sama žančyna nie maje viersij, u kryminał joj taksama nie nadta vierycca.
«Moža, heta była prosta niedarečnaja śmierć…» — kaža jana.
Kali Andreja i Darju znajšli miortvymi, klučy ad mašyny byli ŭ zamku zapalvańnia, u baku paliva ŭžo nie było. Dźviery ŭ haraž byli prykrytyja: zastavałasia adtulina, ale hetaha nie chapiła.
Andreja i Darju pachavali ŭ niadzielu 24 sakavika.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4949
Kamientary