Kanał Kałamojskaha namiaknuŭ, što Parašenka datyčny da śmierci svajho brata. Budzie sud
Prezident Ukrainy Piatro Parašenka padaje ŭ sud na telekanał aliharcha Ihara Kałamojskaha «1+1» z-za «čornaha pijaru» suprać jaho.
«Na praciahu piaci hadoŭ svajho prezidenctva za redkimi vyklučeńniami Piatro Parašenka pryncypova ŭstrymlivaŭsia ad lubych pazovaŭ da srodkaŭ masavaj infarmacyi», — skazaŭ staršynia frakcyi «Błok Piatra Parašenki» ŭ Viarchoŭnaj Radzie Artur Hierasimaŭ.
Adnak, pavodle jaho słoŭ, za apošnija miesiacy infarmacyjnaja palityka telekanała 1+1 «istotna źmianiłasia».
«Jon [Ihar Kałamojski — Red.] pieratvaryŭ kanał u pryładu brudnych palityčnych technałohij i čornaha pijaru suprać adnaho z kandydataŭ u prezidenty, a mienavita Piatra Parašenki», — havorycca ŭ paviedamleńni.
Napiaredadni na telekanale Kałamojskaha vyjšła telepieradača. U joj biehły deputat, padazravany ŭ asabliva ciažkich ekanamičnych złačynstvach, zajaŭlaŭ, što maje dokazy datyčnaści Parašenki da skupki hałasoŭ padčas važnych hałasavańniaŭ u parłamiencie, finansavych ździełak i nibyta vysokich dachodaŭ prezidenta ad viadzieńnia biznesu ŭ Rasii.
Akramia taho, u telepieradačy śćviardžałasia pra nibyta datyčnaść Piatra Parašenki da arhanizacyi zabojstva svajho brata.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia2
Kamientary