Na pasiadžeńni Rady rehijanalnaha raźvićcia Čarkaskaj vobłaści, prezydent Ukrainy Piatro Parašenka zajaviŭ, što Ukrainie nieabchodna vysokadakładnaja rakietnaja zbroja, jakaja zmoža paražać celi daloka ŭ tyle Rasii, pišuć infarmahienctvy.
Parašenka padkreśliŭ nieabchodnaść raźvićcia ŭkrainskaj rakietnaj prahramy. Jon paviedamiŭ, što paśla vyprabavańnia kryłatyja rakiety «Niaptun» pastupili na ŭzbrajeńnie.
Pavodle Parašenki, spynieńnie dziejańnia rasiejska-amerykanskaj Damovy ab likvidacyi rakiet siaredniaj i mienšaj dalokaści stvaryła dadatkovyja mahčymaści dla Ŭkrainy:
«Nas bolš nia źviazvajuć nijakija abmiežavańni ni pa dalokaści palotu našych rakiet, ni pa ich mahutnaści — niachaj vorah pra heta taksama viedaje. Nam treba vysokadakładnaja rakietnaja zbroja, i paŭtarać pamyłki Budapešckaha memarandumu my bolš nie źbirajemsia», — padkreśliŭ prezydent Ukrainy.
Miemarandum ab harantyjach biaśpieki ŭ suviazi z dałučeńniem Ukrainy da Damovy ab nieraspaŭsiudžvańni jadziernaj zbroi byŭ padpisany ŭ Budapešcie ŭ 1994 hodzie liderami Ukrainy, ZŠA, Rasiei i Vialikabrytanii. Jon vyznačyŭ, što Ukraina, admaŭlajučysia ad jadziernaj zbroi, atrymlivaje ad inšych dziaržavaŭ harantyi abarony ŭ vypadku napadu na jaje. Adnak, paśla rasiejskaj aneksii Krymu i padtrymki Rasiejaj separatystaŭ na ŭschodzie Ukrainy, u Kijevie vykazali rasčaravańnie memarandumam, asnovy jakoha nie byli vykananyja.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy45
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary