Siłaviki praciahvajuć začystku top-mieniedžaraŭ farmaceŭtyčnaj haliny. Niadaŭna ŭ ich pole zroku trapiŭ hienieralny dyrektar «Kirujučaj kampanii chołdynhu «Biełfarmpram» Valer Šaŭčuk, piša Tut.by.
Pa najaŭnych dadzienych, jaho zatrymali na minułym tydni. U čym padazrajuć Šaŭčuka, pakul nieviadoma. «Jaho ahavaryli», — upeŭniena krynica, znajomaja z hiendyrektaram «Biełfarmprama». Pa słovach surazmoŭcy, užo bolš za tydzień ad chołdynhu ŭ pieramovach udzielničajuć namieśniki Šaŭčuka.
U minuły čaćvier u Ministerstvie antymanapolnaha rehulavańnia i handlu adbyŭsia kruhły stoł «Ahulny rynak lekavych srodkaŭ. Refierentnaje cenaŭtvareńnie». Ad «Biełfarmprama» prymaŭ udzieł namieśnik hiendyrektara chołdynhu Viktar Šein. Jon paskardziŭsia na składanaści z dostupam biełaruskich lekaŭ da rasijskich dziaržzakupak.
U pryjomnaj hiendyrektara «Biełfarmprama» Tut.by pieranakiravali pa kamientary ŭ Ministerstva achovy zdaroŭja, dzie na praciahu dvuch dzion nie ŭdałosia atrymać infarmacyju pa sutnaści. U KDB admovilisia ad kamientaroŭ.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj12
Kamientary