Bresckija pratestoŭcy zajavili, što buduć vyłučać svajho kandydata ŭ prezidenty
Inicyjatyŭnaja hrupa žycharoŭ horada, jakija pratestavali suprać budaŭnictva akumulatarnaha zavoda, źbirajecca vyłučyć svajho kandydata na vybarach prezidenta Biełarusi. Užo nazvana imia vierahodnaha pretendenta: Dziamjan Lepiasievič — adzin ź lideraŭ pratestujučych, piša «Radyjo Svaboda».
Sam Dziamjan Lepiasievič ŭ intervju zajaviŭ, što inicyjatyŭnaja hrupa budzie vyvučać hramadskuju dumku.
«My jak inicyjatyŭnaja hrupa źviartajemsia da naroda Respubliki Biełaruś z pytańniem-prapanovaj: my chočam vyłučyć svajho kandydata ŭ prezidenty, kab niešta źmianić u hetaj krainie. Tamu što, jak my bačym, u nas zakon nie pracuje absalutna. Usio robicca nie na karyść zdarovaha sensu, a na karyść niečych niezrazumiełych intaresaŭ.
Kali narod prajavić svajo žadańnie i padtrymaje našu ideju, to my siadziem za kruhły stoł i prymiem takoje rašeńnie ab vyłučeńni. Maralna my hatovyja — kali b nie byli hatovyja, my b takoha nie kazali. Iści papulisckimi mietadami my nie źbirajemsia, my spytajem spačatku ŭ hramadstva, u naroda jaho mierkavańnie, a potym budziem prymać rašeńnie kančatkova», — skazaŭ Svabodzie Dziamjan Lepiasievič.
Pradstaŭniki inicyjatyŭnaj hrupy płanujuć vyśviatlać mierkavańnie ludziej praź internet.
«Spytajem praz sacyjalnyja sietki, praź internet, hetaha całkam dastatkova. Kali niechta arhanizuje sacapytańni, budziem jamu tolki ŭdziačnyja. U nas času dastatkova, nichto nikudy nie śpiašajecca i ni da čaho nie abaviazvaje — heta dyjałoh z hramadstvam», — kaža Dziamjan Lepiasievič.
***
Dziamjan Lepiasievič — adzin ź lideraŭ hrupy žycharoŭ horada, jakija pratestujuć suprać zavoda. Jon maje techničnuju adukacyju i źviartaje ŭvahu na roznyja supiarečnaści ŭ spravie budaŭnictva zavoda. Pratestoŭcy prysłuchoŭvajucca da jaho mierkavańnia.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary