Alaksandr Łukašenka na sustrečy z Uładzimiram Pucinym vykazaŭ zacikaŭlenaść u padtrymcy Rasijaj raźvićcia ŭ Biełarusi niekatorych vidaŭ sportu.
Jon ahučyŭ adpaviednuju prośbu na prykładzie fihurnaha katańnia, adznačyŭšy, što ŭsie bazy i asnoŭnyja škoły ŭ časy SSSR byli mienavita na terytoryi Rasii. Ciapier jany nie tolki atrymali dalejšaje raźvićcio, ale i pieraŭzyšli raniejšy ŭzrovień. «U Rasii praźmiernaja kolkaść kali nie trenieraŭ, to spartsmienaŭ dakładna», — adznačyŭ Alaksandr Łukašenka.
Jon źviarnuŭ uvahu, što mnohija talenavityja spartsmieny, jakija ŭ Rasii na nacyjanalnym uzroŭni zajmajuć miescy pa-za pryzavoj trojki, nie majuć mahčymaści ŭdzielničać u mižnarodnych spabornictvach. «Pakolki ŭ nas vakansij u Biełarusi dastatkova, mahli b hetyja chłopcy vystupać i za Biełaruś, — prapanavaŭ Alaksandr Łukašenka. — My prosim, kab śpiektr rasijan byŭ bolšy tut. Niachaj vystupiać za Biełaruś. Nu a kali jany padrychtujucca, to chaj i kankurujuć z rasijskimi viadučymi zorkami».
«Toje ž samaje i pa trenierach, asabliva pa śpiecyjalistach. My dajem dastatkova lodu, kali kazać pra fihurnaje katańnie, — dadaŭ biełaruski lidar. — Niadrenna było b, kali b rasijanie padzialilisia talentami, kab padniać hety sport na adpaviedny ŭzrovień».
Biełaruś taksama zacikaŭlena ŭ padtrymcy rasijskaha boku ŭ raźvićci fiechtavańnia.
«Što tyčycca inšych napramkaŭ, — mastactva, navuki i inšaha, — tam jany (biełarusy i rasijanie. — zaŭv. Red.) prataptali adzin da adnaho darohu», — upeŭnieny Alaksandr Łukašenka.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach19
Kamientary