Stała viadoma, chto atrymaŭ 4000 rubloŭ za samy stary televizar FOTA
Niezvyčajnuju akcyju inicyjavaŭ videaservis Voka ŭ partniorstvie ź BiełVTI. Na praciahu dvuch tydniaŭ biełarusy pazbaŭlalisia ad starych devajsaŭ, a naŭzamien mahli pretendavać na 4 000 rubloŭ za samy stary televizar. U akcyi paŭdzielničała bolš za 200 žycharoŭ pa ŭsioj krainie. Samymi aktyŭnymi akazalisia minčanie, a samy vialiki rarytet — KVN-49 1952 hoda vypusku — znajšoŭsia ŭ Homielskaj vobłaści.
Chtości pryvoziŭ televizary ŭ punkty pierapracoŭki BiełVTI samastojna, a bolš za sotniu minčan skarystałasia pasłuhami biaspłatnaha hruzavoha taksi, jakim zabiaśpiečyŭ videaservis.
Usie staryja televizary pastupili ŭ pierapracoŭku, kab vykarystoŭvacca dla vypusku novych pryład. Kožny z udzielnikaŭ akcyi atrymaŭ «bilet» u novuju epochu technałohij: promakod na samuju vialikuju ŭ krainie 4K-Siniemateku ŭ videaservisie Voka.
Užo ciapier rekordnaja kalekcyja filmaŭ u novym ultravysokim razroźnieńni, jakoje ŭ čatyry razy pieraŭzychodzić Full HD, dastupnaja padpisčykam pakietaŭ MEGOGO, a taksama Voka TV i MEGOGO. Kab znajści 4K-filmy ŭ Voka, dastatkova nabrać u radku pošuku UHD.
«Televizary, jakija tranślujuć paŭnavartasnuju karcinku ŭ 4K, pačali masava vyrablać try-čatyry hady tamu. Kab adznačyć kaniec epochi starych televizaraŭ i start novaj ery ličbavaha kantentu, a taksama dapamahčy biełarusam pazbavicca ad zalažałaj techniki, Voka arhanizavaŭ karysnuju akcyju ź BiełVTI.
Pamier uznaharody ŭ 4000 (4K) rubloŭ taksama simvalizuje pierachod da technałohij novaj epochi. Karystalniki Voka pieršymi atrymali dostup da samaj bujnoj u krainie Siniemateki ŭ 4K. Tolki za dva tydni z momantu zapusku my pavialičyli svaju bazu filmaŭ praktyčna ŭ dva razy — sa 155 da 300 — i płanujem u dalejšym ździŭlać našych karystalnikaŭ jakasnym i raznastajnym kantentam», — raspavioŭ namieśnik hienieralnaha dyrektara pa ličbavych płatformach i kantencie velcom Anton Bładzik.
Biełarusy aktyŭna reahavali na prapanovu. Udzielniki pryznavalisia, što niepatrebny devajs zachoŭvaŭsia dziesiacihodździami na dačy ci bałkonie i, kab zdać jaho ŭ pierapracoŭku, nie chapała nievialikaj matyvacyi. Nahodaj pazbavicca ad niepatrebnaha i staŭ hanarar u pamiery 4K rubloŭ. Za dva tydni biełarusy zdali 204 televizary, bolš za 60% — sapsavanyja. Siaredni «ŭzrost» televizaraŭ skłaŭ 41 hod.
Vyniki akcyi padviali 12 lutaha ŭ Parku virtualnych technałohij TELEPORT VR. Uładalnikam najbolš staroha rarytetu akazaŭsia Valancin Łysienka z Homiela. Jon zdaŭ va ŭtyl televizar KVN-49 1952 hoda vypusku, naŭzamien atrymaŭ 4K rubloŭ i hadavuju padpisku na filmateku ŭ ultravysokim razroźnieńni ad Voka. Niahledziačy na »šanoŭny ŭzrost», televizar ŭklučajecca i, mahčyma, na im udasca naładzić vyjavu. Realny košt takoj pryłady aceńvajecca ŭ rajonie 500 rubloŭ, h.zn. roŭna ŭ 8 razoŭ mienš, čym hanarar ad Voka.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary