U paleskaj vioscy Stašany žyvuć nadzvyčaj pazityŭnyja i enierhičnyja ŭdzielnicy narodnaha hurtu «Čabatuchi», jakija viedajuć bieźlič piesień, prypievak i žartaŭ. U hości da narodnych śpiavačak zavitała prahrama «Viaskoŭcy» telekanała «Biełsat».
Jak by ni było časam ciažka i niespakojna ŭ žyćci, stašanskija artystki nie hublajuć dobraha nastroju dy aptymizmu. Z nastalhijaj uzhadvajuć jany paślavajenny čas, kali ŭ ichnaje siało pryjechała na pracu «ź Biełarusi» maładaja ahranomka, jakaja i pastanaviła stvaryć hurt. Jana ž skłała pieśniu pra «čabatara», majstra, jaki rabiŭ čobaty, dy jahonuju žonku, «čabatuchu». Ad hetaj hieraini i ŭziałasia nazva kalektyvu.
«Čabatuchi» śpiavajuć daŭnija pieśni, jakija vyvučyli ad baćkoŭ i dziadoŭ, i dziakujučy svajoj žyvoj niepasrednaści mohuć «navat na pustym miescy» stvaryć jaskravaje šou. Adna z udzielnic raspaviała, jak na scenie joj daviałosia adapchnuć ad mikrafona partniorku pa śpievach ź inšaj vioski, bo taja nie davała joj mahčymaści vystupić. Usie prysutnyja padumali tady, što hetak było i zadumana.
«Zapytajciesia pra «Čabatuch» ŭ našym rajonie i ŭ susiednich — usie nas viedajuć, usie vam skažuć, što my da ŭsiaho zdatnyja», — padkreślivajuć udzielnicy kalektyvu.
Byŭ vypadak u «Čabatuch», kali jany ŭsiu noč, niby sučasnyja šachierazady, nie davali mužčynu zasnuć, śpiavajučy jamu pieśni dy raskazvajučy kazki. Jak heta było — hladzicie ŭ novym vydańni «Viaskoŭcaŭ» dy zaradžajciesia pazityŭnymi emocyjami.
Prahramu «Viaskoŭcy» hladzicie kožnuju sieradu a 18:35 na telekanale «Biełsat» praz spadarožnik «Astra 4A» (raniejšaja nazva «Sirius 4»), anłajn abo ŭ zakładcy «Prahramy» na staroncy telekanała i ŭ Facebook.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary