Hetym razam da 12% hadavych. Tym časam u ZŠA ŭ aŭtorak staŭka refinansavańnia była źnižana da fantastyčnych 0,25%.
Nacyjanalny bank Biełarusi z 17 śniežnia pavysiŭ staŭku refinansavańnia z 11% da 12%.
Hałoŭnaja finansavaja ŭstanova krainy tłumačyć pavyšeńnie staŭki tym, što heta robicca «dziela pavyšeńnia dachodnaści aščadžeńniaŭ u nacyjanalnaj valucie i dalejšaj pryciahalnaści ŭkładaŭ».
***
Ad niadaŭniaha času pavyšeńnie staŭki refinansavańnia (SR) štomiesiac stała «dobraj tradycyjaj».
1 lipienia SR vyrasła na 0,25% i skłała 10,25%, 13 vieraśnia jana vyrasła da 10,5%, 15 kastryčnika — da 10,75 % hadavych, 15 listapada da 11%.
Hetym razam staŭka refinansavańnia pavyšajecca nie na čverć pracentnaha punkta, a adrazu na adzin pracentny punkt.
Pavyšeńnie staŭki refinansavańnia taksama aznačaje, što vyrastuć staŭki pa kredytach. Pakolki banki, ustanaŭlivajučy svaju staŭku, aryjentujucca na staŭku refinansavańnia i dadajuć svaje pracenty.
***
Tym časam u ZŠA Fiederalnaja reziervovaja sistema źniziła staŭku refinansavańnia da fantastyčnych 0,25%. Ekanomika ZŠA znchodzicca ŭ kryzisie, i ludziej zaachvočvajuć brać kredyty na žylle, kab choć krychu ažyvić kredytny rynak.
Ale blizkaja da nula ci nulavaja staŭka refinansavańnia pavialičvaje ryzyku deflacyi, abo pracesu źnižeńnia cenaŭ, što źjaŭlajecca nie mienš niebiaśpiečnym, čym inflacyja. U deflacyjnaj atmaśfiery spažyviec pastajanna čakaje jašče bolšaha źnižeńnia cen i adkładaje pakupki, što pryvodzić da jašče bolšaha zapavolvańnia tempaŭ raźvićcia ekanomiki.
Staŭka refinansavańnia ŭ vieraśni 2007 hodu ŭ ZŠA składała 5,25%.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary