Makiej adkazaŭ Miadźviedzievu: Budziem pracavać nad umacavańniem našaha suvierenitetu
Biełarusy na praciahu mnohich stahodździaŭ maryli ab niezaležnaści, tamu siońnia kraina prosta abaviazanaja zastavacca suvierennaj. Tak kiraŭnik MZS Uładzimir Makiej prakamientavaŭ słovy Dźmitryja Miadźviedzieva ab «bolš pahłyblenaj intehracyi», piša Tut.by.
— Ja liču, što, kali spytać pieravažnuju kolkaść hramadzian našaj krainy, jany adnaznačna skažuć, što Biełaruś pavinna zastavacca niezaležnaj i suvierennaj dziaržavaj. Pra hety suvierenitet i niezaležnaść my maryli, dumali na praciahu mnohich-mnohich stahodździaŭ. U našaj sučasnaj historyi my damahlisia hetaha, tamu my pavinny i dalej pracavać nad umacavańniem našaha suvierenitetu. Zrazumieła, što, jak kaža prezident, heta doraha kaštuje, ale my pavinny razumieć heta i pavinny zrabić tak, kab kožny ŭnosiŭ ŭkład u hety praces — va ŭmacavańnie našaha suvierenitetu, niezaležnaści i terytaryjalnaj cełasnaści, — skazaŭ Uładzimir Makiej paśla cyrymonii ŭźniaćcia ściaha Ministerstva zamiežnych spraŭ Biełarusi.
Novy ściah MZS Uładzimir Makiej nazvaŭ bajavym ściaham i adznačyŭ, što siońnia viedamstva nie zmahajecca na poli boju sa zbrojaj u rukach, ale dypłamaty viaduć batalii ŭ palityčnaj, ekanamičnaj, humanitarnaj i inšych śfierach na mižnarodnych placoŭkach.
Nahadajem, na pasiadžeńni sajuznaha Saŭmina ŭ Breście premjer-ministr Rasii Dźmitryj Miadźviedzieŭ abviaściŭ umovu, pry jakoj Rasija hatovaja pajści na sastupki pa pytańni nafty i hazu, - «bolš pahłyblenaja intehracyja» u ramkach dahavora ab stvareńni Sajuznaj dziaržavy ad 8 śniežnia 1999 hoda. Zhodna z dakumientam, u krain pavinna być adzinaja valuta, adziny sud, adzinaja mytnia, a taksama adziny parłamient.
Alaksandr Łukašenka, kamientujučy słovy Miadźviedzieva, skazaŭ, što «razumieje hetyja namioki: atrymajcie naftu, ale davajcie razburajcie krainu i ŭstupajcie ŭ skład Rasii», i zajaviŭ, što Biełaruś nikoli nia ŭvojdzie ŭ skład susiedniaj dziaržavy.
Paźniej u Kramli zajavili, što tema mahčymaha abjadnańnia Rasiei i Biełarusi ŭ adzinuju dziaržavu nie abmiarkoŭvajecca.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary