Na prośby pracoŭnych

Viartańnie «NN» u kijoski i ŭ śpisy padpisnych vydańniaŭ pastaviła režym u pikantnuju pozu.

Prapahandystam z Karła Marksa, 38, treba znajści lahičny adkaz na pytańnie — čamu vydańnie niečakana pryznajecca kankurentnym na rynku presy (mienavita tezis ab ekanamičnaj nierentabelnaści «NN» byŭ farmalnaj pryčynaj vykinuć hazetu z šapikaŭ i katalohaŭ).

Lepš za ŭsio zrabić spasyłku na vyniki niejkaha daśledavańnia čytackich zababonaŭ, jakoje byccam było praviedziena markietolahami «Biełpošty». Takim čynam, hramadzianam prapanavałasia adkazać na nastupnyja pytańni ankiety:

1. Jakija litara alfabetu bolš za astatnija ciešyć vašaje voka, kali vy čytajecie hazetu?

a) litara «j»;
b) litara «u»;
v) litara «».

Absalutnaja bolšaść respandentaŭ abrała varyjant «v».

2. Jakoj rubryki, na vašu dumku, niestaje ŭ isnujučych u krainie hazetach?

a) «Dyrektyva prezydenta na kožny dzień»;
b) «U dapamohu pačynajučamu ekspertu pa sytuacyi na rynku akcyj u Balivii»;
v) «Dziakuj za padtrymku».

Absalutnaja bolšaść respandentaŭ abrała varyjant «v».

3. Jak, na vašu dumku, maje vyhladać dyzajn «Saŭbiełki», kab jana jašče bolš vydzialałasia siarod inšych vydańniaŭ na łatkach presy?

a) «SB» maje vyhladać jak salidny hadavy almanach;
b) «SB» maje vyhladać jak knižka‑małyška;
v) «SB» maje być čorna‑biełaj, pamieram u 24 staronki, farmatu A3.

Absalutnaja bolšaść respandentaŭ abrała varyjant «v».

4. Vy nabudziecie ŭ kijosku vydańnie…

a) na jakoje vas užo prymusili padpisacca na miescy pracy;
b) na jakoje na miescy pracy ŭžo prymusili padpisacca vašych siamiejnikaŭ, siabroŭ vašaj siamji, susiedziaŭ;
v) inšaje.

Absalutnaja bolšaść respandentaŭ abrała varyjant «v».

5. Vy prajavicie bolšy intares da vydańnia, na vokładcy jakoha:

a) vusaty mužčyna i maleńki chłopčyk;
b) hołaja dzieŭka;
v) baradaty mužčyna na fonie bieł‑čyrvona‑biełaha ściaha.

Absalutnaja bolšaść respandentaŭ abrała varyjant «v».

6. Jak vy viedajecie, zaraz idzie palemika nakont novaj nazvy hazety «Sovietskaja Biełoruśsija». Aptymalnaja nazva dla vydańnia prezydenckaj administracyi, na vašu dumku, — heta:

a) «Monarchist'»;
b) «Biuleteń amataraŭ biełaruska‑venesuelskaj družby»;
v) «Niva Naša».

Absalutnaja bolšaść respandentaŭ abrała varyjant «v».

7. Jaki zahałovak u hazecie vyklikaje ŭ vas najbolšuju zacikaŭlenaść?

a) «Kambajnior Piatrovič staŭ na hanarovuju vachtu da jubileju denaminacyi «zajčyka»;
b) «Mianciuk akazaŭsia žančynaj‑inšaplanetnikam»;
v) «Dałoŭ dyktaturu!».

Absalutnaja bolšaść respandentaŭ abrała varyjant «v».

Jak bačym, viartańnie «Našaj Nivy» ŭ kijoski nia maje absalutna nijakaha dačynieńnia da palityki. Pavodle ŭsich kryteraŭ, na rynku medyja bolšaściu čytačoŭ zapatrabavanaja «Naša Niva». Tamu niama ničoha dziŭnaha, što kiraŭnictva «Biełpošty» vykazała namier paviarnuć hazetu ŭ svaju sietku. Treba, jak absalutna pravilna kaža naš prezydent, hrošy zarablać.

• 0
• 0
• 0
• 0
• 0
• 0
• 0
• 0