«Ikieja» praz krytyku vydaliła z sacsietak post, dzie žančynu paraŭnali z sabakam
Karystalniki fejsbuka raskrytykavali rasijskaje pradstaŭnictva šviedskaj kampanii za rekłamny post, u jakim žančynu paraŭnali z sabakam.
U publikacyi była źmieščana vyjava sabaki, jaki siadzić za stałom, nakrytym survetkaj «Ikieja», i vinavata hladzić u kamieru. Na stale — blincy i vareńnie. Nižej — podpis:
«Kali vy vypadkova padrapali jaho mašynu abo pahryźli tepciki:
- pryhatujcie blincy z vareńniem;
- pakładzicie na stoł jaho lubimuju nastolnuju darožku GODDAG/HODDAH;
- sustrakajcie jaho ź lohkaj uśmieškaj;
- paźbiahajcie zvarotaŭ «darahi, nam treba parazmaŭlać».
Post sabraŭ sotni hnieŭnych kamientaroŭ. «Ikieja» spačatku vybačyłasia za niedarečnaje paraŭnańnie, a paśla i zusim vydaliła publikacyju.
Viadoma, što kampanija padtrymlivaje prahramy, skiravanyja na abaronu pravoŭ žančyn u śviecie. U 2009 hodzie «Ikieja» ŭdzielničała ŭ adukacyjnaj prahramie «Hałasy žančyn» u Indyi.
Kamientary