Treci prezident Ukrainy Viktar Juščanka ŭ intervju BT raspavioŭ, što stała pryčynaj Majdana va Ukrainie.
Toje, što ludzi vychodzili na Majdan, usio heta było nie darma, ličyć Juščanka. U bolšaści nasielnictva było razumieńnie, što kali kraina nie źmienić svoj palityčny kurs, to budučyni ŭ jaje nie budzie.
- My kałonija, jakaja viartajecca ŭ svajo stojła, na svajo histaryčnaje miesca. Hety prajekt budzie nazyvacca Małarosija, a my — chachłami. Ale ja nie chachoł, ja ŭkrainiec i nie chaču, kab maju krainu nazyvali Małarosijaj, — adznačyŭ Juščanka.
Vynikam pieršaha Majdana stała padpisańnie pahadnieńnia ab tym, što Ukraina stanie asacyjavanym siabram abjadnanaj Jeŭropy.
Kali ŭ listapadzie 2013 hoda hety kurs byŭ źmienieny, paŭstaŭ Jeŭramajdan.
— Tyja pracesy, jakija adbyvajucca, jany bolš u plus, čym u minus. Stać adkaznym hramadzianinam — značyć padabrać kluč da kožnaha čałavieka. Ja časta kažu, što my roznyja, ale my nie supraćlehłyja. Taja ŭnutranaja intehracyja, jakaja siońnia adbyvajecca — heta vialikaja praca našaj kansalidacyi. My vychodzim ź situacyi bolš mocnaj nacyjaj čym, naprykład, 5 hadoŭ tamu.
Kamientary