Staličnyja ŭłady adkazali admovaj na zajaŭku aktyvistaŭ pravieści 15 vieraśnia ŭ Minsku marš salidarnaści z žurnalistami. Pra heta paviedamiŭ u fejsbuku sustaršynia arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski.
«Zajaŭka nibyta nie adpaviadaje pieraliku dazvolenych miescaŭ dla praviadzieńnia mierapryjemstvaŭ», - piša Vital Rymašeŭski.
Na jaho dumku, heta niedarečnaja pryčyna: bo aktyvisty paznačyli ŭ zajaŭcy miescy, na jakija raniej ułady davali zhodu. Tak, miescam zboru była prapanavana terytoryja la Akademii navuk (adkul, naprykład, štohod startuje «Čarnobylski šlach»), a miescam praviadzieńnia mitynhu — płošča Paryžskaj Kamuny (pobač śviatkavali Dzień Voli).
27 žniŭnia ŭ Minharvykankam była padadziena zajaŭka na praviadzieńnie akcyi salidarnaści ź niezaležnymi ŚMI i prafsajuzami. Pad joj padpisalisia staršyni ruchu «Za Svabodu» Juraś Hubarevič i Abjadnanaj hramadzianskaj partyi Vasil Palakoŭ, a taksama sustaršynia arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach28
Kamientary