Vadzima Citušku, jaki staŭ viadomym napiaredadni Jeŭramajdanu za napad na žurnalistaŭ, šukaje ŭkrainskaja palicyja, piša Bi-bi-si
Pra heta napisaŭ u fejsbuku pieršy namieśnik staršyni Nacpalicyi Ukrainy Viačasłaŭ Abrośkin.
«Cituška, čałaviek, proźvišča jakoha stała ŭžo ahulnym nazoŭnikam i simvalizuje pravakataraŭ-zdradnikaŭ, siońnia abvieščany ŭ vyšuk za ździajśnieńnie ciažkich złačynstvaŭ na terytoryi Kijeŭskaj vobłaści», — adznačyŭ jon.
Mužčynu padazrajuć u razbojnych napadach u składzie arhanizavanaj hrupy.
18 maja 2013 h. Vadzim Cituška padčas apazicyjnaj akcyi napaŭ na ŭkrainskuju žurnalistku Volhu Śnicarčuk i fotakarespandenta Uładzisłava Sodela.
Paśla jaho proźvišča va ŭkrainskim hramadstvie pačali vykarystoŭvać jak termin dla vyznačeńnia pryciahnutych da padaŭleńnia pratestaŭ hrup prapłočanych najomnikaŭ.
Kamientary