Pra heta Łukašenka zajaviŭ, prymajučy siońnia kadravyja rašeńni, paviedamlaje jaho pres-słužba.
Tak daručeńnie uradu dasiahnuć choć by 1 tysiačy rubloŭ siaredniaha zarobku pa krainie «ŭ mnohich ź ich naohuł vyklikała paniku, što heta niedapuščalna», raspavioŭ kiraŭnik dziaržavy.
«Akazvajecca, dapuščalna. Navat pry tym kursie, jaki jany sprabavali ŭciuchać nam u Biełarusi.
Ale kolki kryvi papsavali dla taho, kab (asabista mnie daviałosia heta rabić) pierakanać urad, što ludzi choć by niaščasnuju tysiaču rubloŭ siaredniaha zarobku pavinny mieć. Što treba padciahnuć sioleta samyja nizkaapłatnyja płasty (nianiečki ŭ dziciačych sadkach, miedsiostry i nianiečki ŭ balnicach, jakija nosiacca ź dziećmi i z nami, kali my prychvarejem, ludzi kultury, sacyjalnaha absłuhoŭvańnia). Ich treba siońnia padciahvać vyšej. Adny farmuloŭki: « my nie možam», «My nie pavinny», «upadzie kurs», «upadzie kraina», «upadzie ŭsio», - praciahnuŭ kiraŭnik dziaržavy.
«Dobra, ja prapanavaŭ alternatyvu. Davajcie tady razam z vami budziem mieć tuju zarpłatu, jakuju majuć hetyja niaščasnyja nianiečki», - skazaŭ Alaksandr Łukašenka.
Pavodle jaho słoŭ, na hetuju prapanovu paśledavała nastupnaja reakcyja: «Dy nie, va ŭradzie heta niemahčyma, treba mieniedžaram va ŭradzie padymać zarabotnuju płatu, i čym vyšej, tym lepš jany buduć pracavać. Dyk što ž heta za spraviadlivaść?» - aburyŭsia kiraŭnik dziaržavy.
Kamientary