Novaja viersija Android dapamoža zmahacca z zaležnaściu ad smartfonaŭ
Na fonie rostu bojazi «zaležnaści ad smartfonaŭ», Google dadaje ŭ novuju viersiju svajoj apieracyjnaj sistemy Android P novyja funkcyi, jakija dazvolać karystalnikam bolš efiektyŭna adsočvać kolkaść praviedzienaha u smartfonie času.
Novyja funkcyi źjaŭlajucca častkaj aryjentacyi Google na tak zvany «ličbavy dabrabyt» (Digital Wellbeing), bo ŭ apošnija hady ŭsia industryja piersanalnych devajsaŭ mocna krytykujecca z-za taho, što kampanii naŭmysna imknucca zrabić svaje prahramy i pradukty maksimalna «zalipalnymi» dla karystalnika, pry hetym achviarujučy jahonym časam i realnaj karyściu ad vykarystańnia smartfona.
Jość niekalki istotnych abnaŭleńniaŭ, jakija ŭklučać u nastupnuju viersiju Android P, što zapuskajecca hetaj vosieńniu:
- Paniel manitorynhu, jakaja adsočvaje čas vykarystańnia telefona karystalnikam i faktyčna paviedamlaje karystalniku pra stupień jaho zaležnaści ad smartfona.
- Mahčymaść ŭstaloŭvać abmiežavańni pa časie na vykarystańnie peŭnych prahram.
- Novy režym «Shush». Kali karystalnik vyklučaje svoj telefon i kładzie jaho ekranam ŭniz, devajs aŭtamatyčna pieravodzicca ŭ režym «Nie turbavać», dazvalajučy karystalniku zasiarodzicca na inšych rečach.
- Režym «Wind Down», dla taho, kab vykarystoŭvać devajs pierad snom. Paśla taho, jak dla karystalnika nadychodzić čas kłaścisia spać, telefon aŭtamatyčna pierachodzić u režym «Nie turbavać», ekran stanovicca manachromnym, što tearetyčna robić jaho mienš pryvabnym i dazvalaje praściej adkłaści svoj telefon pierad snom.
Android P technična zapuskajecca hetaj vosieńniu, ale, niahledziačy na heta, tolki niekatoryja Android karystalniki adrazu atrymajuć dostup da jaho. Heta adbyvajecca tamu, što vytvorcy smartfonaŭ sami vyznačajuć, kali vypuskać novyja viersii dla svaich klijentaŭ. Z-za hetaha abnaŭleńni na bolšaść smartfonaŭ (da jakich Google nie maje dačynieńnia) prychodziać značna paźniej, čym aficyjna zapuskajecca novaja viersija Android.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach28
Kamientary