Abjomy budaŭnictva žylla ŭ Minsku i abłasnych centrach prapanujecca skaracić u dva razy, paviedamiŭ namieśnik premjer-ministra Anatol Kalinin u efiry telekanała STB, infarmuje BIEŁTA.
Vice-premjer źviarnuŭ uvahu na toje, što ŭ Minsku pražyvaje 20% nasielnictva krainy, pałova žylla budujecca ŭ abłasnych centrach. «My bačym, što treba skaracić jak minimum udvaja žyllovaje budaŭnictva šmatpaviarchovych damoŭ u Minsku i abłasnych centrach. Z takoj prapanovaj my budziem vychodzić va ŭrad i abmiarkoŭvać hetyja rašeńni», — skazaŭ Anatol Kalinin.
Pry hetym pryjarytet budzie addavacca raźvićciu haradoŭ-spadarožnikaŭ. «My pavinny pavialičyć abjomy budaŭnictva ŭ haradach-spadarožnikach jak minimum u 4—5 razoŭ. Biezumoŭna, my znachodzim novyja formy, umovy kredytavańnia», — adznačyŭ vice-premjer.
Jak paviedamlałasia, u Smalavičach pad Minskam buduć prapanoŭvać žyllo hramadzianam, jakija stajać na ŭliku ŭ stalicy. Jany atrymajuć dziaržpadtrymku zhodna ŭkazu №240.
«Druhoje pytańnie — heta zaniataść hramadzian, jakija buduć pražyvać u haradach-spadarožnikach. My bačym, što ŭsio-taki ŭ Minsku i abłasnych centrach treba spynić budaŭnictva pramysłovych vytvorčych abjektaŭ. Pakul my budziem dazvalać budavać u Minsku i ŭ abłasnych centrach, u rajon nichto nie pajedzie. Tamu heta taksama novaja prapanova», — dadaŭ Anatol Kalinin.
Kalinin taksama paviedamiŭ, što ŭ 2020 hodzie namiečana budaŭnictva 5 młn kv.m žylla. U asnoŭnym heta budaŭnictva žylla dla šmatdzietnych siemjaŭ, u haradach-spadarožnikach, a taksama indyvidualnaje žyllovaje budaŭnictva.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary