Akvałanhist, jaki raniej słužyŭ u vajenna-marskim fłocie Tajłanda, zahinuŭ padčas apieracyi pa vyratavańni zabłakavanych u zatoplenaj piačory 12 padletkaŭ i ich treniera. Pra heta paviedamlaje tajskaje vydańnie Khaosod sa spasyłkaj na zajavu uładaŭ.
38-hadovy Saman Hunan dobraachvotna ŭdzielničaŭ u vyratavalnaj apieracyi. Jon straciŭ prytomnaść na zvarotnym šlachu ź piačory, paśla taho jak dastaviŭ u jaje kisłarodnyja bałony.
«Jaho pracaj było dastaŭlać kisłarod. Ale jamu nie chapiła [kisłarodu] na darohu nazad», — patłumačyŭ Bi-bi-si pryčyny hibieli vadałaza pradstaŭnik uładaŭ.
Vyratavalnyja raboty pa prakładcy dadatkovaha pavietranaha šłanha aktyvizavalisia paśla taho, jak ułady vyjavili, što ŭ zakrytych u piačory skančajecca kisłarod, a alternatyŭnaha vychadu ź piačory znajści tak i nie ŭdałosia. Taksama nie atrymałasia adpampavać vadu, jakaja nie daje mahčymaści evakujavać padletkaŭ i ich treniera.
Raniej paviedamlałasia, što vyratavalnaja apieracyja moža zaciahnucca na niekalki miesiacaŭ.
Kamientary