Łaŭroŭ paviedamiŭ Rubia pra namier rasijskaj armii nanosić masavanyja ŭdary pa Kijevie
Ministr zamiežnych spraŭ Rasii Siarhiej Łaŭroŭ pahavaryŭ pa telefonie ź dziaržsakratarom ZŠA Marka Rubia, paviedamili ŭ rasijskim MZS.
Jak paviedamlajecca, Łaŭroŭ «aficyjna davioŭ da amierykanskaha boku» infarmacyju pra toje, što rasijskija vajskoŭcy «prystupajuć da sistemnych i paśladoŭnych udaraŭ pa raźmieščanych u Kijevie abjektach, jakija vykarystoŭvajucca dla patreb USU, i pa centrach pryniaćcia adpaviednych rašeńniaŭ».
Akramia taho, Łaŭroŭ nahadaŭ Rubia pra dasiahnutyja «na vyšejšym uzroŭni» «damoŭlenaści ŭ Ankorydžy» i abvinavaciŭ Jeŭropu i Ukrainu ŭ padryvie hetych damoŭlenaściaŭ.
Raniej 25 maja Ministerstva zamiežnych spraŭ Rasii pryhraziła novymi ŭdarami pa Kijevie. Śćviardžajecca, što rasijskaja armiju «prystupaje da paśladoŭnaha naniasieńnia sistemnych udaraŭ» pa pradpryjemstvach ukrainskaha VPK u Kijevie. U MZS taksama zajavili, što ŭdary buduć nanosicca pa «centrach pryniaćcia rašeńniaŭ» i kamandnych punktach.
Rasijskija ŭłady źviazali heta z udaram pa Starabielsku ŭ padkantrolnaj Rasii častcy Łuhanskaj vobłaści, naniesienym u noč na 22 maja. U MZS zajavili, što heta ataka nibyta «pierapoŭniła čašu ciarpieńnia».
«Pahrozy ŭvasablajuć adčaj». Jeŭrapiejskija dypłamaty nie buduć pakidać Kijeŭ paśla rasijskich zastrašvańniaŭ
Rasija zajaviła, što raspačynaje «sistemnyja ŭdary pa Kijevie». MZS RF zaklikaŭ zamiežnikaŭ pakinuć stalicu Ukrainy
«Arešnikaŭ» było dva. Adzin ź ich upaŭ na terytoryi «DNR»
Paškodžany budynak Łanhbarda i razburany muziej «Čarnobyl». Vyniki rasijskaj ataki na histaryčny centr Kijeva
Kamientary