Лаўроў паведаміў Рубіа пра намер расійскай арміі наносіць масаваныя ўдары па Кіеве
Міністр замежных спраў Расіі Сяргей Лаўроў пагаварыў па тэлефоне з дзяржсакратаром ЗША Марка Рубіа, паведамілі ў расійскім МЗС.
Як паведамляецца, Лаўроў «афіцыйна давёў да амерыканскага боку» інфармацыю пра тое, што расійскія вайскоўцы «прыступаюць да сістэмных і паслядоўных удараў па размешчаных у Кіеве аб'ектах, якія выкарыстоўваюцца для патрэб УСУ, і па цэнтрах прыняцця адпаведных рашэнняў».
Акрамя таго, Лаўроў нагадаў Рубіа пра дасягнутыя «на вышэйшым узроўні» «дамоўленасці ў Анкорыджы» і абвінаваціў Еўропу і Украіну ў падрыве гэтых дамоўленасцяў.
Раней 25 мая Міністэрства замежных спраў Расіі прыгразіла новымі ўдарамі па Кіеве. Сцвярджаецца, што расійская армію «прыступае да паслядоўнага нанясення сістэмных удараў» па прадпрыемствах украінскага ВПК у Кіеве. У МЗС таксама заявілі, што ўдары будуць наносіцца па «цэнтрах прыняцця рашэнняў» і камандных пунктах.
Расійскія ўлады звязалі гэта з ударам па Старабельску ў падкантрольнай Расіі частцы Луганскай вобласці, нанесеным у ноч на 22 мая. У МЗС заявілі, што гэта атака нібыта «перапоўніла чашу цярпення».
«Пагрозы ўвасабляюць адчай». Еўрапейскія дыпламаты не будуць пакідаць Кіеў пасля расійскіх застрашванняў
Расія заявіла, што распачынае «сістэмныя ўдары па Кіеве». МЗС РФ заклікаў замежнікаў пакінуць сталіцу Украіны
«Арэшнікаў» было два. Адзін з іх упаў на тэрыторыі «ДНР»
Пашкоджаны будынак Лангбарда і разбураны музей «Чарнобыль». Вынікі расійскай атакі на гістарычны цэнтр Кіева
Цяпер чытаюць
Хто той хлопец, які чакаў дзяўчыну пад дажджом у Мінску? Вы дакладна бачылі тое рамантычна відэа1
Каментары