Dzie jany buduć?
U stalicy praciahvajecca raźvićcio internataŭ novaha typu — kvaternaha farmatu, jakija pastupova prychodziać na źmienu tak zvanym małasiamiejkam, raskazała staršynia kamiteta budaŭnictva i inviestycyj Minharvykankama Iryna Hontarava, pišuć «Minsk-Naviny».
Pavodle słoŭ I. Hontaravaj, novyja internaty — heta nie zvykłyja budynki z kalidornaj sistemaj i błokami, a paŭnavartasnyja kvatery, jakija vydajucca ŭ časovaje karystańnie.
Siarod takich abjektaŭ — budynak na vuł. Siamaški i budynak na vuł. Majakoŭskaha, 22, jaki rekanstrujujecca. Try internaty kvaternaha typu źjaviacca ŭ žyłym rajonie Lebiadziny. Jašče adzin dom pabudujuć dla navučencaŭ kaledžaŭ u rajonie vuł. Lejtenanta Kižavatava i Karžanieŭskaha. Taksama na stadyi prajektavańnia znachodzicca internat na vuł. Kabuškina, jaki pryznačany dla rabotnikaŭ budaŭničaha kompleksu. Akramia taho, sioleta ŭviaduć u ekspłuatacyju internat na Daŭhinaŭskim trakcie pobač ź infiekcyjnaj balnicaj — jon raźličany mienavita na miedycynskich rabotnikaŭ.
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary
A miedykam budujuć płatny internat, ź jakoha vykinuć jak tolki zvolnišsia ź miedustanovy.