Statkievič pakinuŭ sudovuju zału i sam viarnuŭsia ŭ izalatar
Achova sudu nie pieraškodziła padsudnamu Statkieviču syści z sudovaha pasiadžeńnia. Statkievič paprasiŭ kanvoj, kab jaho advieźli ŭ izalatar dasiedžvać 10 sutak, jakimi jon byŭ pakarany za adnu ź niesankcyjanavanych akcyj, paviedamlaje Radyjo Svaboda.
Sud pakaraŭ Statkieviča štrafam u 40 bazavych vieličyń (980 rubloŭ).
Kali zatrymanaha 3 lipienia Mikołu Statkieviča pryvieźli ź izalatara ŭ sudovuju zalu, jon hołasna skazaŭ, što nia budzie ŭdzielničać u takim spektakli, kali jaho źbirajucca sudzić za toje, što jon mieŭ namier uskłaści kvietki da pomnika.
«Hańba! Ja nie žadaju ŭdzielničać u hetym haniebnym vidoviščy! Hańba krainie, u jakoj sudziać za toje, što ja chacieŭ uskłaści kvietki da pomnika!» — zajaviŭ Statkievič i vyjšaŭ z zali.
U kalidory i sudździa Jury Harbatoŭski, i advakat Alaksandar Halijeŭ sprabavali ŭhavaryć Statkieviča viarnucca ŭ zalu, ale biezvynikova.
Statkievič jašče raz emacyjna skazaŭ, što pieršaje, što jon zrobić, adbyŭšy pakarańnie, — pryjdzie na bulvar Tałbuchina i ŭskładzie kvietki da pomnika.
Sudovaje pasiedžańnie pradoŭžyłasia biez abvinavačanaha. Sudździa začytaŭ, što Statkievič abvinavačvajecca ŭ zaklikach da praviadzieńnia niesankcyjanavanaj akcyi: 21 červienia jon raźmiaściŭ u sacyjalnych sietkach abviestku z zaprašeńniem prychodzić 3 lipienia na bulvar Tałbuchina ŭ Miensku, kab uskłaści kvietki da pomnika.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju4
Kamientary