Apielacyjny sud u Sudanie admianiŭ śmiarotny prysud 19-hadovaj Nury Chusiejn, pryznanaj vinavataj u zabojstvie svajho muža. Dziaŭčyna śćviardžała, što dziejničała ŭ metach samaabarony, kali jaje muž razam sa svajakami zhvałciŭ jaje, piša Bi-bi-si.
Sud pryniaŭ rašeńnie zamianić pakarańnie na piacihadovaje źniavoleńnie, raspavioŭ advakat Chusiejn Abdełacha Machamad.
Maci dziaŭčyny skazała Bi-bi-si, što ščaślivaja, što jaje dačka zastaniecca ŭ žyvych.
10 maja sud šaryjatu prysudziŭ Chusiejn da śmiarotnaha pakarańnia praz paviešańnie, pryznaŭšy vinavataj u zabojstvie muža Abdułrachmana Machamieda Chamada.
Nuru Chusiejn vydali zamuž siłkom, kali joj było 16 hadoŭ. Muž Chusiejn taksama byŭ joj stryječnym bratam i byŭ značna starejšy za jaje.
U sudzie dziaŭčyna raspaviała, što padvierhnułasia hvałtu z boku muža. Pavodle jaje słoŭ, muž ździekvaŭsia ź jaje, pakul jaje ŭtrymlivali jaho stryječnyja braty. Kali jon pasprabavaŭ paŭtaryć heta na nastupny dzień, Chusiejn ŭdaryła jaho nažom.
Dziaŭčyna vybiehła z doma, viarnułasia da baćkoŭ i raskazała im. Siamja Chusiejn bajałasia pomsty. Jany nakiravalisia ŭ palicejski učastak, kab zabiaśpiečyć abaronu, ale tam dziaŭčynu aryštavali.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary