Biełaruskaja asacyjacyja žurnalistaŭ atrymała abnoŭlenyja papraŭki ŭ zakanadaŭstva ab ŚMI, padrychtavanyja dla druhoha čytańnia ŭ parłamiencie.
Papraŭki ŭ Zakon ab ŚMI, zhodna ź jakimi kamientataraŭ na internet-forumach pavinny identyfikavać, a supracoŭniki internet-vydańniaŭ, jakija nie prajšli rehistracyju, nie buduć ličycca žurnalistami, deputaty ŭžo pryniali ŭ pieršym čytańni. Tym časam biełaruskaja asacyjacyja žurnalistaŭ, pradstaŭniki miedyja pieradali i ŭ Mininfarm, i ŭ parłamient svaje zaŭvahi pa zakonaprajektu. Ministr infarmacyi Alaksandr Karlukievič skazaŭ, što, «mahčyma, pa niekatorych pazicyjach prapanovy buduć uličanyja».
Kiraŭnik BAŽ, juryst Andrej Bastuniec, paviedamlaje, što ŭ zakonaprajekcie ciapier prapisanaja mahčymaść abskardzić u sudzie rašeńni Mininfarma. Taksama źnikła norma pra štrafy dla internet-resursaŭ. Na hetyja momanty prasili źviarnuć uvahu pradstaŭniki ŚMI.
Pavodle infarmacyi BAŽ, zakonaprajekt moža być pryniaty ŭ druhim čytańni ŭžo ŭ červieni.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary