Forvard «Reała» Haret Bejł maje namier pierajści ŭ inšuju kamandu ciaham leta. Adnym z pretendentaŭ ličyŭsia «Totenchem», u jakim Bejł vystupaŭ da pierachodu ŭ «Reał», adnak łondancy admovilisia ad nabyćcia valijca. Pra heta paviedamlaje BBC.
Kantrakt, pavodle jakoha Bejł pierajšoŭ z «Totenchem» u «Reał» ŭ 2013 hodzie, praduhledžvaŭ, što łondancy mohuć vykupić hulca nazad. «Totenchem» admoviŭsia heta zrabić, bo suma vykupu akazałasia zanadta vialikaj. Akramia taho, łondancy nie hatovyja vypłačvać Bejłu zarobak, jaki składaje £ 400 tys. paśla vypłaty padatkaŭ.
Bejł maje namier źmianić kłub, bo jaho nie zadavalniaje kolkaść hulniavoha času. Jon chacieŭ by pastajanna vychodzić na pole ŭ asnoŭnym składzie, u toj čas jak Ziniedzin Zidan vypuskaje jaho tolki na zamienu.
Bejł staŭ najlepšym hulcom finału Lihi čempijonaŭ, jaki prajšoŭ u Kijevie 26 maja. Jon vyjšaŭ na zamienu ŭ druhim tajmie i prynios «Reału» pieramohu, zrabiŭšy dubl. Pieršy hoł jon zabiŭ udaram cieraź siabie, a druhi staŭ vynikam pamyłki hałkipiera «Livierpula» Łorysa Karyusa, jaki prapuściŭ miač paśla nieskładanaha dalokaha ŭdaru. «Reał» vyjhraŭ u hetym matčy ź likam 3:1.
-
Biełaruski trenier Alaksiej Špileŭski atrymaje $265 tysiač za zvalnieńnie z rasijskaha kłuba-aŭtsajdara
-
Chakieist minskaha «Dynama» Vital Pinčuk pajšoŭ hulać u NCHŁ. Łukašenka spadziavaŭsia, što jon nie «źbiažyć»
-
Futbolny kłub u Niderłandach dušeŭna pravioŭ na piensiju pračku, što myła futbołki hulcoŭ 27 hadoŭ
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary