U Karelickim rajonie ŭ dačynieńni da VIČ-infikavanaj maci raspačata kryminalnaja sprava pa artykule «Zaražeńnie virusam imunadeficytu čałavieka», piša SB.
Sama žančyna chvareje na VIČ z 2003 hoda, ale jana ŭpeŭnienaja, što dyjahnaz pamyłkovy. Vyjaŭlenaja ŭ jaje ankałohija i šerah inšych chvarob, jakija ličacca spadarožnymi ŭ VIČ-infikavanych ludziej, joju ŭ raźlik nie biarucca. Žančyna nazyvaje miedycynskija pravierki piekłam i starajecca zaścierahčy ad ich syna i dačku.
Ale ž małaja dačka žančyny taksama atrymała dyjahnaz VIČ. Razhladajucca try viersii: dziaŭčynka mahła atrymać virus jašče ŭnutryčeraŭna, pry rodach ci padčas karmleńnia hrudźmi.
Daktary Karelickaj balnicy kažuć, što žančyna nie pryvozić da ich dzicia, kab vyznačycca ź lačeńniem. Dy i jany nie ŭpeŭnienyja, što žančyna budzie davać nieabchodnyja leki dačce. Kab zrabić analizy dzieciam, daktary jeździli da žančyny ź milicyjantami, z supracoŭnikami prakuratury.
Ale ž ciapier žančyna moža sieści na 3 hady. Los jaje vyrašyć sud.
Ciapier čytajuć
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary