Biełaruskija miedyki praapieravali adnaho z paciarpiełych u DTZ u Kamianieckim rajonie, paviedamili ŭ pres-słužbie Ministerstva achovy zdaroŭja.
«Dzicia, jakoje paśla avaryi znachodziłasia ŭ vielmi ciažkim stanie i było padłučana da aparata štučnaj vientylacyi lohkich, siońnia było praapieravana ŭ Kamianieckaj CRB. U suviazi z tym, što chłopčyk atrymaŭ spałučanuju traŭmu, u apieracyjnaj pracavali niekalki bryhad daktaroŭ. Dapamoha jamu akazana ŭ poŭnym abjomie, paśla stabilizacyi stanu jon pieraviedzieny ŭ Bresckuju abłasnuju balnicu», — prainfarmavali ŭ pres-słužbie.
Raniej u Brest byli pieraviezienyja jašče piaciora chłopčykaŭ. Va ŭsich paciarpiełych dyjahnastavany čerapna-mazhavyja traŭmy roznaj stupieni ciažkaści, a taksama pierałomy i vyvichi.
U DTZ kala vioski Martyniuki siońnia ranicaj paciarpieli dzieci z ukrainskaj kamandy pa futbole. Adin chłopčyk zahinuŭ, jašče šaściora ź ciažkimi traŭmami trapili ŭ balnicu.
Situacyju pad asabisty kantrol uziaŭ ministr achovy zdaroŭja Valeryj Małaška. «Lepšyja daktary Biełarusi i ŭsie nieabchodnyja materyjalna-techničnyja resursy zadziejničany dla akazańnia dapamohi paciarpiełym u avaryi dzieciam», — skazaŭ jon.
Čytajcie taksama:
Chłopčyk z Ukrainy zahinuŭ u avaryi ź mikraaŭtobusam i traktaram u Kamianieckim rajonie
Ministr achovy zdaroŭja ŭziaŭ pad asabisty kantrol lačeńnie ŭkrainskich dziaciej, jakija trapili ŭ avaryju pad Kamiancom
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5050
Kamientary