Łukašenka pavinšavaŭ suajčyńnikaŭ z Dniom Dziaržaŭnaha hierba i Dziaržaŭnaha ściaha Respubliki Biełaruś, paviedamili ŭ pres-słužbie biełaruskaha lidara.
«Siońnia my padkreślivajem značnaść hetych nieadjemnych simvałaŭ suvierennaj Biełarusi, napoŭnienych dobleściu i hieraizmam. Uśviedamlajem ich hłybokuju histaryčnuju rolu ŭ zachavańni hramadskaj zhody na biełaruskaj ziamli», — havorycca ŭ vinšavańni. Alaksandr Łukašenka adznačyŭ, što «hramadzianam, jakija viedajuć i pavažajuć nacyjanalnyja kaštoŭnaści, pad siłu zrabić Ajčynu praćvitajučaj». «Pryjemna, što ciapierašniaje pakaleńnie biełarusaŭ svajoj plonnaj pracaj razam stvaraje naviejšuju historyju našaj krainy, z honaram pradaŭžajučy słaŭnyja tradycyi minułaha», — padkreśliŭ Łukašenka.
«Hierb, ściah i himn — heta nie prosta simvolika, a vizitnaja kartka miralubivaj palityki Respubliki Biełaruś, čyj aŭtarytet biassprečna pryznany na mižnarodnaj arenie», — havorycca ŭ vinšavańni.
Dzień Dziaržaŭnaha hierba i Dziaržaŭnaha ściaha stvorany Ukazam prezidenta u 1995 hodzie. Adznačajecca ŭ druhuju niadzielu maja.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach32
Kamientary