Ludzi sabrali čarhovuju $1000 dla siamji palitviaźnia Śviatasłava Baranoviča
Zbor dapamohi dla Śviatasłava Baranoviča zavieršany, hramadoju sabrali jašče 1000 dalaraŭ, pra heta paviedamiŭ na svajoj staroncy ŭ fejsbuku hramadski aktyvist Andrej Stryžak.
Raniej hramadzianie pieradavali hrošy siamji Baranovičaŭ — mamie i siastry — naŭprost. Ciapier byŭ praviedzieny i arhanizavany zbor srodkaŭ praz fejsbuk.
«Učora pieradaŭ sumu siastry Śviatasłava — Natalli, — piša Stryžak. — Raspaviadała pra toje, što listy Śviatasłavu prychodziać u takoj kolkaści, što jon navat prosić dapamohi ŭ apracoŭcy karespandencyi ŭ sukamiernikaŭ. Hrošy, jakija pieraviali naŭprost na jaho rachunak u kałonii, na ščaście, dajšli (pieršapačatkova byli niejkija zaminki z pryjomam pieravodaŭ). Zachoŭvaje prysutnaść duchu i praciahvaje abskardžańnie prysudu. U Śviatasłava ciapier vydatny advakat, i ja viedaju, što ŭsio, što možna zrabić u ramkach biełaruskaj sistemy, jon zrobić», — raskazvaje Stryžak.
Natalla pieradaje słovy vialikaj udziačnaści kožnamu, chto adhuknuŭsia na zaklik ab dapamozie. Siamja nie pakidaje Śviatasłava ŭ biadzie, pastajanna ź im na suviazi, nakolki heta mahčyma ŭ kałonii.
Stryžak pryvodzić rekvizity karty siastry, kali chto-niebudź choča dapamahčy Śviatasłavu:
Ščaćko Natalla Uładzimiraŭna
5435 5310 2048 8837, termin dziejanńnia da 07/20
BPS-Śbierbank
Nahadajem, što Baranovič byŭ aryštavany za toje, što abaraniaŭ ad zatrymańniaŭ udzielnikaŭ «Marša niedarmajedaŭ» hod tamu. Baranovič tady niekalki razoŭ udaryŭ amapaŭca ŭ cyvilnym — adnaho z tych, što z užyvańniem siły zatrymlivali junakoŭ na aŭtobusnym prypynku.
Adras palitviaźnia: 222160, Minskaja vobłaść, h. Žodzina, vuł.Savieckaja, 22-a, ST-8, Baranoviču Śviatasłavu Uładzimiraviču.
Čytajcie taksama:
Baksior, santechnik — što viadoma pra Śviatasłava Baranoviča, jaki adbivaŭ demanstrantaŭ u ahientaŭ u cyvilnym
Śviatasłavu Baranoviču, jaki adbivaŭ demanstrantaŭ u ahientaŭ u cyvilnym, dali 3 hady kałonii
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie36
Kamientary