Maci asudžanych za narkotyki pryjšli ŭ Administracyju prezidenta FOTAFAKT
2 maja aktyvistki «Matčynaha ruchu-328» naviedali Administracyju prezidenta i sustrelisia z kiraŭnikom administracyi Natallaj Kačanavaj. Žančyn zaprasili ŭ Minsk paśla taho, jak jany abvieścili haładoŭku.
27 krasavika siamiora žančyn abvieścili biecterminovuju haładoŭku. U kožnaj ź ich chtości ŭ siamji byŭ asudžany pa artykule 328 Kryminalnaha Kodeksa, to bok za raspaŭsiud narkotykaŭ. Metaj haładoŭki było damahčysia sustrečy z Łukašenkam, ministram unutranych spraŭ Šunievičam, hienprakuroram Kaniukom i inšymi čynoŭnikami.
U vyniku, ułady zaprasili žančyn na razmovu ŭ Administracyju prezidenta. U svaju čarhu haładoŭščycy paprasili dałučycca da vizitu pradstaŭnikoŭ niezaležnych ŚMI.
Ahułam haładaje 14 žančyn, u Minsk pryjechali siamiora. Bolšaść admoviłasia ad kamientaraŭ, kažuć, vielmi słabyja. Ale Lijana Šuba i Taćciana Kanieŭskaja paviedamili žurnalistam, što choć hetaje mierapryjemstva i «vialiki krok da dyjałohu», ale haładoŭka paśla praciahniecca.
Dalejšuju stratehiju pavodzinaŭ žančyny vyrašać pa vynikach sustrečy.
«Ale ja ŭpeŭnienaja, što ŭrad nie daść maciaram prosta tak zahinuć», — skazała Kanieŭskaja.
Taksama pad Administracyju z Rasii pryjechała maci Iryny Siamianiaki, dziaŭčyny, jakaja prachodziła pa «spravie 17». U 2016 hodzie 27-hadovuju
Siamianiaku asudzili na 16 hadoŭ. Jaje maci kaža, što admysłova pryjechała ŭ Biełaruś i taksama hatovaja abviaścić haładoŭku, a paśla vyjści z płakatami pad rasijskaje pasolstva.
«Maja dačka atrymała dziki termin tolki za toje, što była eks-kachankaj Kanstancina Viluhi (lidara złačynnaj hrupy, jakaja zajmałasia prodažam narkotykaŭ. Viluha atrymaŭ 20 hadoŭ — pr. NN)», — upeŭnienaja žančyna. Jana kaža, što nieabchodna pierahladzieć terminy asudžanych, ale ŭ plon siońniašniaj sustrečy asabliva nie vieryć.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»1
Kamientary