Staršynia Eŭraparlamentu i kiraŭniki frakcyjaŭ 16 kastryčnika zaklikali biełaruskija ŭłady «źniać zabaronu na ŭjezd u Biełaruś z palitykaŭ krain EZ».
Jak paviedamlaje BiełaPAN sa spasyłkaj na pres-słužbu parlamentu Eŭraźviazu, deputaty zaklikali aficyjny Miensk pajści na taki krok u adkaz na rašeńnie kiraŭnikoŭ MZS krain EZ ab častkovym prypynieńni zabarony na ŭjezd u EZ biełaruskich čynoŭnikaŭ.
28 kastryčnika sustreča deputataŭ z delehacyi Eŭraparlamentu pa suviaziach ź Biełaruśsiu projdzie ŭ Vilni, pakolki im było admoŭlena ŭ mahčymaści naviedać krainu. U litoŭskaj stalicy jany sustrenucca, u pryvatnaści, z eks-kandydatami ŭ prezydenty Alaksandram Milinkievičam i Alaksandram Kazulinym, a taksama studentami Eŭrapiejskaha humanitarnaha ŭniversytetu.
Deputaty Eŭraparlamentu, jakija mieli namier nazirać za vybarami ŭ Biełarusi, taksama nie atrymali biełaruskich viz.
9 kastryčnika Eŭrapiejski parlament uchvaliŭ rezalucyju pa Biełarusi, u jakoj zaklikaŭ vykanaŭčyja orhany Eŭraźviazu prypynić vizavyja sankcyi suprać niekatorych biełaruskich čynoŭnikaŭ na paŭhodu.
«Pastajannaje admaŭleńnie biełaruskich uładaŭ u vydačy vizy zachodnim palitykam vyklikaje asablivuju niaŭchvału ŭ śviatle apošniaha rašeńnia Rady ministraŭ EZ», — zajaviŭ staršynia Eŭraparlamentu Hans-Hiert Peterynh.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary