Nacyjanalny park u Italii rasśleduje śmierć redkaha buraha miadźviedzia, jaki zahinuŭ padčas apieracyi pa adłovie.
Bijołahi ŭ parku na Apieninach złavili žyviołu, kab nadzieć na jaje spadarožnikavy našyjnik dla adsočvańnia pierasoŭvańniaŭ.
Adnak samiec apieninskaha buraha miadźviedzia pačaŭ zadychacca paśla taho, jak jamu ŭviali snatvornaje, i nieŭzabavie zahinuŭ, niahledziačy na namahańni śpiecyjalistaŭ.
Abaroncy dzikaj pryrody apisali stratu žyviolnaha jak «vielmi značnuju».
«Hety padvid znachodzicca na miažy vymirańnia, u ciapierašni čas zastałosia tolki 50 asobin abo trochi bolš», - zajavili ŭ italjanskim padraździaleńni Suśvietnaha fondu dzikaj pryrody (WWF), zaklikaŭšy pierahledzieć sposaby adłovu žyvioł.
Žyvioła trapiła ŭ trubu-pastku ŭ čaćvier viečaram padčas dazvolenaj apieracyi ŭ parku Abruca, Łacyjo i Malizie.
Pa dadzienych italjanskich ŚMI, pastka była ŭstalavanaja dla adłovu inšaha miadźviedzia pa imieni Maryjo, jaki prychodziŭ u viosku i, jak ličyłasia, moh ujaŭlać pahrozu dla ludziej.
«My ŭpieršyniu sutyknulisia z prablemaj z aniestezijaj padčas adłovu», — raspavioŭ žurnalistam kiraŭnik parku Antonia Karrara.
Choć ałharytm dziejańniaŭ pry adłovie «źnižaje ryzyki dla miadźviedzia da minimumu, jany nie mohuć całkam ich vyklučyć», dadaŭ jon.
Jon taksama skazaŭ, što całkam upeŭnieny ŭ prafiesijanaliźmie svaich supracoŭnikaŭ i spadziajecca, što ŭskryćcio «pralje śviatło na pryčynu śmierci» źviera.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary