Na vybarach prezidenta Čarnahoryi, pavodle papiarednich źviestak, pieramoh Miła Džukanavič.
Za lidara kirujučaj Demakratyčnaj partyi sacyjalistaŭ prahałasavali amal 54% vybarcaŭ, piša Bi-bi-si.
Jaho bližejšy kankurent, apazicyjanier Mładen Bajanič, atrymaŭ amal 34% hałasoŭ.
Miła Džukanavič zajmaŭ vysokija dziaržaŭnyja pasady ad 1991 hoda. Jon čatyry razy stanaviŭsia premjer-ministram, byŭ ministram abarony, a taksama mieŭ adzin prezidencki termin, u 1998—2002 hadach.
U listapadzie 2016 hoda ŭ Čarnahoryi zajavili, što «ruskija nacyjanalisty» płanavali zabić premjera Džukanaviča.
Jak śćviardžali ŚMI, členy hrupoŭki dziejničali pad kantrolem hienierała Bracisłava Dzikiča, viadomaha svajoj prarasiejskaj pazicyjaj.
Pa słovach śpiecprakurora Čarnahoryi, złamyśniki takim čynam chacieli pieraškodzić ustupleńniu Čarnahoryi ŭ NATA.
Pry hetym, jak zajaviŭ prakuror, u jaho niama nijakich dokazaŭ taho, što da arhanizacyi zamachu była datyčnaja ŭłada Rasii.
U červieni minułaha hoda Čarnahoryja aficyjna stała 29-m siabram NATA.
U rasijskim MZS tady zajavili, što «ŭ śviatle varožaj linii čarnahorskaj ŭłady» Maskva pakidaje za saboj prava na miery ŭ adkaz, nie ŭdakładniŭšy, jakija mienavita dziejańni razhladajuć jak varožyja.
Jak paviedamlali čarnahorskija ŚMI, Džukanaviču i inšym palitykam, jakija padtrymali dałučeńnie da NATA, byŭ zabaronieny ŭjezd u Rasiju.
Prezident u Čarnahoryi abirajecca na piać hadoŭ.
Alaksandr Łukašenka pavinšavaŭ Miła Džukanaviča. «Vaša pieramoha śviedčyć ab padtrymcy hramadzianami kursu na zabieśpiačeńnie stabilnaści, pastupalnym raźvićci dziaržavy i ŭmacavańnia jaje aŭtarytetu na mižnarodnaj arenie. Spadziajusia na dalejšaje pašyreńnie siabroŭskich biełaruska-čarnahorskich adnosin i plonnaje supracoŭnictva va ŭsich śfierach uzajemnaha intaresu», - havorycca ŭ vinšavańni kiraŭnika Biełarusi.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar20
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku44
Kamientary