U Varšavie adkryli miemaryjał, pryśviečany achviaram Smalenskaj katastrofy, u jakoj zahinuła cełaja polskaja delehacyja, u tym liku prezident Lech Kačyński, paviedamlaje Polskaje radyjo.

U Varšavie adkryli miemaryjał, pryśviečany achviaram Smalenskaj katastrofy, u jakoj u 2010 hodzie zahinuła cełaja polskaja delehacyja, jakaja nakiroŭvałasia ŭ Katyń, u tym liku prezident Polščy Lech Kačyński i jaho žonka.
U chodzie cyrymonii jaho brat, kiraŭnik partyi «Prava i spraviadlivaść» Jarasłaŭ Kačyński, adznačyŭ, što adkryty siońnia miemaryjał — heta danina pamiaci, hodnaści i viernaści.
«Na im 96 proźviščaŭ, nijakich tytułaŭ, pasad, prosta 96 imionaŭ polek i palakaŭ, jakija razam chacieli naviedać Katyń dla taho, kab zachavać pamiać. Užo tolki heta źjaŭlajecca dastatkovaj padstavaj, kab hety pomnik źjaviŭsia», — adznačyŭ kiraŭnik partyi «Prava i spraviadlivaść».
Siońnia, 10 krasavika, pa ŭsioj Polščy prachodziać pamiatnyja mierapryjemstvy, pryśviečanyja Smalenskaj katastrofie.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ
Kamientary