Prakuror nie pahadziŭsia z vyrakam suda dla 25-hadovaha žychara Stoŭbcaŭ, asudžanaha za piedafiliju. U vyniku termin pavialičany da 14 hadoŭ, paviedamlaje Minskaja abłasnaja prakuratura, piša Tut.by
Na dumku dziaržabvinavaŭcy, pakarańnie terminam u 11,5 hoda nie adpaviadała ciažkaści złačynstva i asobie abvinavačanaha.
«Minski abłasny sud pryznaŭ dovady pratestu abhruntavanymi i kančatkova pryznačyŭ abvinavačanamu pa sukupnaści złačynstvaŭ 14 hadoŭ pazbaŭleńnia voli z adbyvańniem u papraŭčaj kałonii va ŭmovach ŭzmocnienaha režymu z kanfiskacyjaj majomaści», — raspaviała supracoŭnik abłasnoj prakuratury Alona Kiežun. Prysud užo ŭstupiŭ u zakonnuju siłu.
25-hadovy žychar Stoŭbcaŭ na praciahu šaści hadoŭ ŭstupaŭ u pałavyja adnosiny ź dziaŭčynkami. Jon «byŭ davoli viadomy ŭ horadzie»: arhanizoŭvaŭ dziciačyja vystupleńni na śviatach i navat stvaryŭ hurtok pa himnastycy. Pryčym biez prafiesijnych viedaŭ, tolki prahladajučy roliki na YouTube.
Pa ŭkazańni treniera dzieci zajmalisia bieź nižniaj bializny.
Mužčyna tłumačyŭ, što na spabornictvach zdymajuć bały, kali z-pad adzieńnia budzie bačnaja šlejka abo trusy.
Mužčyna ŭvachodziŭ u davier da dziaciej, a potym razbeščvaŭ ich, ustupaŭ u pałavuju suviaź abo sprabavaŭ zhvałtavać. A taksama zdymaŭ videa i fota, što było rasceniena jak vyrab parnahrafii.
Kamientary