«Ludzi nie vierać, što heta pa svaim žadańni». Raskazvajem pra baćku čaćviarych dziaciej, jaki adkryŭ u Viciebsku biełaruskamoŭnuju kaviarniu
7 sakavika ŭ Viciebsku adkryłasia novaja kaviarnia «Zorački». Na dziva dla mnohich naviednikaŭ handlovaha centra «Enierhija» — ź biełaruskamoŭnym afarmleńniem i biełaruskamoŭnym haspadarom — 36-hadovym Arciomam Savinym. «Heta vas u vykankamie prymusili tak nazvacca?», — pytajucca tyja, chto zaziraje siudy pa harbatu ci blincy ŭpieršyniu. I Arciom sprabuje pierakanać ich u tym, što padtrymlivać biełaruskuju kulturu možna i pa ŭłasnaj inicyjatyvie, bieź niejkich prymusaŭ.
Pra toje, što ŭ Viciebsku adkryłasia novaje mini-kafe, my pisali raniej. Ciapier ža stelefanavalisia z haspadarom «Zoračak» i raspytali pra jaho novy biznes padrabiaznaści.
Arciom raskazaŭ, što hetaja kaviarnia — užo nie pieršy jaho krok u śfiery hramadskaha charčavańnia. Da «Zoračak» u jaho było jašče adno kafe, pracavaŭ jon kaliści i prosta ŭ roźničnym handli. Chłopiec rana pačaŭ samastojna zarablać hrošy. Kaža, što siamja była nie vielmi zabiaśpiečanaja ŭ materyjalnym płanie, tamu navat u pytańni pastupleńnia ŭ navučalnuju ŭstanovu možna było raźličvać tolki na siabie.
«Ja ŭsio dziacinstva zajmaŭsia sportam, dobra płavaŭ. Dumaŭ, što źviažu z hetym žyćcio, navat vyvučyŭsia na treniera pa vodnym poła. Adnak paśla armii nie viarnuŭsia ŭ hetuju śfieru: atrymanyja raniej traŭmy nie dali addać siabie sportu całkam», — raskazvaje Arciom. Tak pryjšłosia znoŭ šukać siabie i pasprabavać raspačać svaju spravu.
Cikava, što pieršaja kaviarnia Arcioma była, jak jon sam kaža, prarasijskaj: z chachłamoj, matroškami i inšymi detalami, jakija tak lubiać turysty z Rasii. Ale ŭ apošnija hady žyćcia chłopiec staŭ bolš cikavicca mienavita našaj kulturaj, tamu farmat budučaj kaviarni byŭ vyznačany zahadzia.
Arciom zhadvaje: «Ja staŭ usio čaściej zadavacca pytańniem, čamu ŭ Biełarusi ŭsio tak drenna ŭ płanie movy, historyi, kultury. Było vyrašana palapšać hetuju situacyju chacia b svaimi dziejańniami. Praŭda, spačatku było strašna, što mianie nie zrazumiejuć. Viciebsk, nakolki ja mahu rabić vysnovy jak jaho karenny žychar, vielmi ruskamoŭny, tut amal nie sustrenieš tych, chto razmaŭlaje inakš. Adnak ja ryzyknuŭ».
Chłopiec robić usio sam: i kiruje pracesam, i piače blincy. Kaža, kali žyvieš u vialikaj siamji, nakarmić paśla choć natoŭp — zusim nie prablema.
Naviedniki novaj kaviarni padzialilisia: adny padtrymlivajuć zadadzieny biełaruskamoŭny kantekst, a inšyja ŭpeŭnienyja, što haspadara prymusili abrać takuju nazvu i styl u vykankamie. Praŭda, navošta heta mahło być patrebna vykankamu — pytańnie.
Na pytańnie, ci nie strašna jamu było znoŭ ulivacca ŭ nie zaŭsiody ŭdziačnuju śfieru hramadskaha charčavańnia, Arciom adkazvaje, što baćku čatyroch dziaciej užo ničoha nie strašna. Doma jaho čakajuć try dački (starejšaj chutka spoŭnicca 8 hod) i žonka z małym synam, tamu bajacca niama kali, treba dziejničać.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni4
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Kamientary