Hienietyki stvaryli piŭnyja droždžy, jakija dazvalajuć varyć piva biez chmielu
Dackija i amierykanskija bijołahi stvaryli novy hatunak transhiennych droždžaŭ, jakija zdolnyja całkam zamianić chmiel padčas vareńnia piva. Sposab ich vytvorčaści i vykarystoŭvańnia byŭ apublikavany ŭ časopisie Nature Communications.
Jak tłumačyć adzin z stvaralnikaŭ droždžaŭ Džej Kiślinh z Univiersiteta Kalifornii, chmiel i jahonyja anałahi dadajuć u piva, jak praviła, dla nadańnia jamu charakternaha horkaha smaku i stabilizacyi. Bujnyja brovary vykarystoŭvajuć dla hetych metaŭ nie realnyja šyški hetaj raśliny, a ich kancentravany ekstrakt, jaki možna dadavać u piva na lubych stadyjach jaho vareńnia.
Malekularnyja bijołahi vyrašyli, što možna pazbavicca i ad hetaj prostaj pracedury, raspracavaŭšy takija pivavarnyja droždžy, jakija mahli b sintezavać dva klučavyja latučyja rečyvy, što źmiaščajucca ŭ chmieli: linałajoł i hieranyjoł.
Navukoŭcy zdoleli sabrać poŭny łancužok sintezu linałajołu i hieranyjołu, vykarystoŭvajučy hieny raślin, u jakich utrymlivajucca hetyja rečyvy, i samich droždžaŭ. Tak atrymałasia vyhadavać niekalki dziasiatkaŭ ekśpierymientalnych hatunkaŭ piŭnych droždžaŭ, jakija mohuć samastojna vyrablać malekuły hetych rečyvaŭ, vykarystoŭvajučy tolki cukar i kisłarod.
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary