Mocny viecier padčas bury złamaŭ tsuhu kanadskuju, jakuju pasadziŭ 227 hadoŭ tamu pieršy prezident ZŠA Džordž Vašynhton, pieradaje TASS.
«Mocny viecier złamaŭ 227-hadovuju tsuhu kanadskuju i virdžynski kiedr, jaki na praciahu mnohich hadoŭ abierahaŭ mahiłu Vašynhtona», — paviedamlajecca na aficyjnaj staroncy ŭ Facebook majontka Vašynhtona Maunt-Viernan (štat Virdžynija).
Tsuha była padarunkam Vašynhtonu ad hubiernatara Ńju-Jorka Džordža Klintana. Atrymaŭ jon jaje ŭ nievialikaj bočcy z-pad viski. «Vašynhton pasadziŭ hetaje dreva la paŭnočnaha ŭvachodu ŭ sad», — ŭdakładniajuć ŭ Maunt-Viernan.
Vašynhton viarnuŭsia ŭ Maunt-Viernan paśla zaviaršeńnia pracy na prezidenckaj pasadzie, tam ža jon pamior ŭ 1799 hodzie. Jon i jaho žonka Marta pachavanyja niepadalok ad asabniaka.
Adznačajecca, što mnohija drevy byli pavalenyja stychijaj, adnak tsuha zasnavalnika krainy była samaj viadomaj. Ciapier zamiest jaje hustoj krony zastaŭsia tolki stvoł vyšynioj niekalki mietraŭ.
Achviarami bury na paŭnočnym uschodzie Złučanych Štataŭ stali vosiem čałaviek. Usie jany zahinuli pad drevami, jakija pavaliła stychija. Biez elektraenierhii zastalisia kala 2 miljonaŭ čałaviek u 13 štatach. U ich liku Ńju-Jork, Virdžynija, Merylend, Masačusiets i Piensilvanija. Ciapier viecier ścich, bura sychodzić u bok Atłantyki.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary