Prajekty «Žyvaja mova» Volhi Damaskinaj i ŭšanavańnie pamiaci paŭstancaŭ 1863 hoda Vitolda Ašurka, Valer Miniec i Siarhiej Pantus i inšych asobaŭ stali sioleta łaŭreatami premii imia Viktara Syrycy, paviedamlaje pres-słužba ruchu «Za svabodu»
Viktar Syryca — aktyvist z Baranavičaŭ, čalec ruchu «Za svabodu», TBM. Jon byŭ inicyjataram šmatlikich mierapryjemstvaŭ, kanfierencyj, Miłavidskaha festyvalu. Paśla jahonaj śmierci ruch u 2016 h. pryniaŭ rašeńnie zasnavać premiju ŭ jaho honar.
«Siońnia na słychu Minsk, ale ludzi ŭ małych miastečkach robiać važnuju spravu, jakaja abjadnoŭvaje dziasiatki ludziej i heta pa maštabach toje ž, što i sotni ci tysiačy ŭ Minsku», — padkreśliŭ staršynia ruchu «Za svabodu» Juraś Hubarevič
«Zadača premii — padtrymka dobrych inicyjatyvaŭ, vartych ŭvahi. U hetym hodzie ŭ vyniku hałasavańnia Rady ruchu «Za svabodu» łaŭreatami stali arhanizatary dvuch inicyjatyvaŭ — z Połacka Volha Damaskina («Žyvaja mova») i ź Lidčyny Vitold Ašurak, Valer Miniec i Siarhiej Pantus (ušanavańnie pamiaci paŭstancaŭ 1863 hoda)», — skazaŭ Hubarevič.
«Kali stvaraŭsia prajekt «Žyvaja mova», my nie dumali pra niejkija ŭznaharody, rabili jaje dla hramadstva. I ŭvieś hod ja chvalavałasia, što nam nie dazvolać, byŭ skieptyčny nastroj. Ale ŭsio dobra, ludziam cikava, jany prychodziać, čakajuć nastupnych sustrečaŭ. Budziem praciahvać pracavać, «Žyvaja mova» žyvie i budzie žyć», — zaznačyła Volha Damaskina.
Paralelna z hałasavańniem Rady u internecie prachodziła hramadskaje hałasavańnie. Pieramohu tam atrymaŭ Ihar Słučak z prajektam «Spravavodstva pa-biełarusku».
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary