Abnoŭleny zakon «Ab aŭtamabilnym transparcie i aŭtamabilnych pieravozkach» nie pakinie biez pracy kiroŭcaŭ pryvatnych maršrutnych taksi. Hałoŭnaja jaho meta — harantavać
biaśpieku pasažyraŭ. Pra heta zajaviŭ namieśnik ministra transpartu i kamunikacyj Alaksandr Šyško.
«Kali siońnia chtości žadaje zajmacca rehularnymi pieravozkami, jon pavinien heta rabić u adpaviednaści z zakonam. Kali chto-niebudź choča zajmacca nierehularnymi pieravozkami, niama prablem, — zajmajciesia. Heta, naprykład, pieravozki aŭtamabilami-taksi. Siońnia ŭ zakonie i va ŭsich ustanoŭlenych dziaržavaj narmatyvach praca pryvatnaha biznesu na pieravozkach vitajecca. Pieravozki pasažyraŭ stroha rehłamientavanyja zakanadaŭstvam, ad hetaha zaležyć ich biaśpieka. Jość momanty fiskalnaha charaktaru, ale Mintrans źviartaje asablivuju ŭvahu mienavita na biaśpieku pasažyraŭ», - skazaŭ Alaksandr Šyško.
Jon abvierhnuŭ infarmacyju pra toje, što kiroŭcy pryvatnych maršrutak u suviazi z pryniaćciem novych praviłaŭ pieravozak zastanucca biez pracy.
«Jany prosta pavinny zaklučyć damovy na rehularnyja pieravozki na maršrutach, pa jakich pracujuć. U rehularnych pieravozčykaŭ jość raskład ruchu, maršrut, u damovie adznačany ŭsie patrabavańni, jakija nieabchodna vykonvać, — rastłumačyŭ namieśnik ministra. — Čamu niekatoryja ź ich nie chočuć zaklučać dahavoraŭ? Bo patrabavańni žorstkija, jakija tyčacca ŭ tym liku režymu pracy i adpačynku kiroŭcy, chutkasnaha režymu. Kiroŭca pavinien pracavać nie bolš za 11 hadzin u sutki z 12-hadzinnym pierapynkam na adpačynak. Na žal, na nierehularnych pieravozkach dadzienaja ŭmova nie vykonvajecca ŭ poŭnaj miery».
Pryvatnyja mižharodnija maršrutki abaviažuć adpraŭlacca z vakzałaŭ, a kiroŭcy suprać. Tłumačym, što adbyvajecca
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary