Prezident Turcyi Redžep Taip Erdahan zajaviŭ, što tureckaja armija faktyčna pačała naziemnuju vajennuju apieracyju suprać kurdaŭ u siryjskim Afrynie. Jon nie ŭdakładniŭ, ci pierasiekli ŭžo tureckija vojski miažu Siryi.
Siryjskija ŭłady ŭ svaju čarhu pieraścierahli ad luboj vajennaj kampanii i papiaredzili Turcyju, što buduć źbivać ich vajennyja samaloty.
Abvastreńnie situacyi ŭ rehijonie moža pryvieści da pramoha kanfliktu z sajuźnikam Turcyi pa NATA — ZŠA, padtrymkaj jakich karystajecca kurdskaje apałčeńnie.
Sajuźnik siryjskich uładaŭ Rasija ŭžo zajaviła, što nie budzie ŭmiešvacca ŭ kanflikt u Afrynie.
Kurdskaje apałčeńnie — Atrady narodnaj samaabarony — ŭvachodzić u kaalicyju z šeraham arabskich apałčeńniaŭ, abjadnanych pad nazvaj Siryjskija demakratyčnyja siły (SDS). Mienavita hetyja siły pry padtrymcy amierykanskaj avijacyi nanieśli vyrašalnyja parazy džychadystam ź ID i vyzvalili vielizarnuju častku terytoryi Siryi.
Turcyja ža ličyć Atrady narodnaj samaabarony terarystyčnaj arhanizacyjaj i ŭžo daŭno pahražaje nanieści ŭdary pa jaho pazicyjach u haradach Afryn i Manbidž.
Vystupajučy na kanfierencyi kirujučaj partyi, Erdahan skazaŭ, što paśla Afryna vajskoŭcy raspačnuć apieracyju ŭ Manbidžy ŭ Siryi, bo «dadzienyja Turcyi abiacańni nie byli strymanyja».
U subotu armija Turcyi abviaściła, što naniesła ŭdary pa schoviščach kurdskich bajcoŭ. U piatnicu ab tym, što apieracyja faktyčna ŭžo pravodzicca, skazaŭ ministr abarony Turcyi Nurecin Džanikli.
Turcyja apošnija niekalki miesiacaŭ pahražała vajennaj apieracyjaj suprać kurdskaha apałčeńnia ŭ Siryi, jakoje Ankara ličyć filijałam Rabočaj partyi Kurdystana - zabaronienaj u Turcyi arhanizacyi, jakaja vystupaje za Kurdskuju aŭtanomiju z 1984 hoda.
Apałčeńnie admaŭlaje pramuju palityčnuju ci vajennuju suviaź z RPK.
ZŠA taksama adkidajuć śćviardžeńni Turcyi adnosna siryjskich kurdaŭ, jakija apynulisia samymi nadziejnymi sajuźnikami ŭ baraćbie z ekstremisckaj hrupoŭkaj «Isłamskaja dziaržava».
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj12
Kamientary