Mocny vybuch prahučaŭ siońnia rankam u spravavym centry horada Trypali, što na ŭschodzie Libanu. Zachodnija krynicy śćviardžajuć, što vybuchovaje prystasavańnie ŭzarvałasia la aŭtobusa, jaki pieravoziŭ žaŭnieraŭ, i pavodle papiarednich acenak na miescy jość prynamsi 6 zabitych i 30 paranienych.
Apošnim časam u Trypali vialisia pierastrełki pamiž razmaitymi ŭzbrojenymi hrupoŭkami, ale toj fakt, što metaj teraktu byli abranyja mienavita vajskoŭcy, ciahnie za saboj padazreńnie, što heta sprava ruk miascovych ekstremisckich arhanizacyjaŭ, asabliva ciapier, kali pamiž imi pačalisia zamirenčyja pieramovy.
Nahadajem, tolki dva dni tamu ŭ susiedniaj Siryi ŭzarvałasia nabitkavanaja vybuchoŭkaj mašyna - terakt u jakim zahinuła 17 čałaviek. Tam pa-raniejšamu viadziecca śledstva, ale dziaržaŭnyja ŚMI ćvierdziać, što teraryst pryjšoŭ z susiedniaj krainy. Syryjski prezydent Bašar Asad zaznačyŭ, što apošnim časam “ekstremisty”, jakija dziejničajuć na Poŭnačy Libanu, “usialak razhojdvać stabilnaść u Syryi”.
U jašče adnym terakcie, jaki adbyŭsia paŭtary miesiacy tamu ŭ Trypali, zahinuła 18 čałaviek i 40 byli paranienyja. Tady prystasavańnie vybuchnuła na ludnaj vulicy.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary