Adno ź viadučych amierykanskich vydańniaŭ antytrampaŭskaha kirunku — časopis The New Yorker — anansavała vokładku novaha numara, na jakoj pakazana dzirka, ź jakoj vyhladaje hałava z charakternaj pryčoskaj, jakaja nahadvaje pryčosku prezidenta ZŠA Donalda Trampa.
Vydańnie nazvała malunak «U dzircy», namiakajučy na niadaŭniaje vykazvańnie prezidenta ZŠA, što vyklikała vialiki rezanans.
U aŭtorak, 9 studzienia, Tramp pravioŭ sumiesnaje dvuchpartyjnaje pasiadžeńnie pa pytańniach imihracyjnaj reformy. Padčas jaho adkrytaj dla presy častki Tramp vysłuchaŭ roznyja punkty hledžańnia i zajaviŭ, što całkam daviaraje prysutnym pradstaŭnikam demakrataŭ i respublikancaŭ i padpiša zakon, jaki jany raspracujuć.
Paśla zakančeńnia zakrytaj častki pasiadžeńnia presa sa spasyłkaj na ŭdzielnikaŭ pasiadžeńnia raspaviała, što Tramp užyŭ vuličny vyraz u adras niekatorych krain, ź jakich pryjazdžajuć mihranty.
U pamiarkoŭnym pierakładzie heta značyć «śmiardziučyja dzirki» (abo «dzirki ŭ prybiralniach»). «Čamu my prymajem usich hetych ludziej ź śmiardziučych dzirak, jakija pryjazdžajuć siudy? My pavinny damahčysia taho, kab da nas pryjazdžali ludzi z takich krain, jak Narviehija», — źviarnuŭsia Tramp da ŭdzielnikaŭ narady. Jak adznačyli krynicy, havorka išła ab Haici, Salvadory i šerahu afrykanskich krain.
Aburanaja reakcyja paśledavała nieadkładna, u pieršuju čarhu Trampa tradycyjna abvinavacili ŭ rasiźmie, paličyŭšy, što jaho vykazvańnie adnosicca nie da ŭzroŭnia žyćcia ŭ hetych krainach, a da koleru skury ich žycharoŭ.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie36
Kamientary