Nacbank admianiŭ metavuju kuplu valuty

Nacyjanalnym bankam pryniata rašeńnie ab admienie abmiežavańnia pa metavaj kupli zamiežnaj valuty jurydyčnymi asobami i indyvidualnymi pradprymalnikam, adznačajecca na sajcie hałoŭnaj finansavaj ustanovy krainy

Adpaviednaja norma zamacavana ŭ pastanovie Praŭleńnia Nacbanka ad 28 śniežnia, jakaja ŭvachodzić ŭ siłu praz try miesiacy paśla jaje aficyjnaha apublikavańnia.

Hetaj pastanovaj zaćvierdžana novaja redakcyja Instrukcyi ab paradku praviadzieńnia valutna-abmiennych apieracyj, jakoj praduhledžana ŭstanaŭleńnie adnolkavaha paradku ździajśnieńnia valutna-abmiennych apieracyj, jakija pravodziacca jurydyčnymi asobami i indyvidualnymi pradprymalnikami na ŭnutranym valutnym rynku.

Tak, jurydyčnyja asoby — rezidenty zmohuć ažyćciaŭlać kuplu zamiežnaj valuty pa nieabchodnaści, jakaja vyznačajecca imi samastojna. Nie ŭstanaŭlivajucca taksama terminy vykarystańnia nabytaj zamiežnaj valuty.

Anałahičny paradak ździajśnieńnia valutna-abmiennych apieracyj budzie dziejničać i dla indyvidualnych pradprymalnikaŭ.

U adpaviednaści z novaj Instrukcyjaj pry kupli zamiežnaj valuty jurydyčnyja asoby i indyvidualnyja pradprymalniki abaviazany buduć ukazvać kod napramku vykarystańnia zamiežnaj valuty, jakaja nabyvajecca. Da taho ž ukazańnie hetych kodaŭ budzie nasić vyklučna statystyčny charaktar i nie budzie abmiažoŭvać vykarystańnie nabytaj zamiežnaj valuty pa inšych napramkach.

Admiena abmiežavańniaŭ pa metavaj kupli zamiežnaj valuty i ŭstalavańnie adnolkavaha paradku praviadzieńnia valutna-abmiennych apieracyj z udziełam jurydyčnych asob i indyvidualnych pradprymalnikaŭ zabiaśpiečać bolšuju svabodu pradprymalnickaj dziejnaści i dazvolać źnizić administracyjnyja vydatki subjektaŭ haspadarańnia, źviazanyja ź nieabchodnaściu zvarotu ŭ Nacyjanalny bank pa atrymańnie dazvołaŭ na kuplu zamiežnaj valuty na mety, jakija nie praduhledžany zakanadaŭstvam, padaŭžeńnie terminaŭ zachoŭvańnia i źmianieńnie metavaha vykarystańnia nabytaj zamiežnaj valuty. Pryniataje rašeńnie taksama stvoryć umovy dla raźvićcia terminovaha rynku z vykarystańniem vytvornych finansavych instrumientaŭ (forvardy, valutnyja fjučarsy, valutnyja apcyjony, svopy).

Akramia taho, admiena abmiežavańniaŭ pa metavaj kupli zamiežnaj valuty dla jurydyčnych asob stanie dadatkovym krokam u napramku harmanizacyi valutnaha zakanadaŭstva ŭ ramkach Jeŭrazijskaha ekanamičnaha sajuza (JEAES) i sfarmiruje pieradumovy dla nastupnaj admieny inšych abmiežavańniaŭ i abciažarańniaŭ, ustanoŭlenych valutnym zakanadaŭstvam Respubliki Biełaruś.

• 0
• 0
• 0
• 0
• 0
• 0
• 0
• 0