Rašeńniem Minharvykankama abjekty raślinnaha śvietu ŭ stalicy ŭpieršyniu abvieščanyja pomnikami pryrody miascovaha značeńnia, paviedamiła karespandentu ahienctva «Minsk-Naviny» kiraŭnik słužby pa dobraŭparadkavańni i ŭtrymańni abjektaŭ haradskoha haspadarki UP «Minskzielenbud» Anžalika Puzankova.
Hetamu papiaredničała vialikaja daśledčaja praca Instytuta ekśpierymientalnaj bataniki NAN Biełarusi.
Aceńvaŭsia jak ŭzrost nasadžeńniaŭ, tak i ich stan (abaviazkova, kab jano było žyćciazdolnym). U vyniku z abśledavanych drevaŭ-staražyłaŭ Minska byli vyznačany tyja, što stali žyvymi pomnikami — duby, klony, lipy, jasieni, jakim bolš za stahodździe i jakija niadrenna zachavalisia.
Takim čynam, bijałahičnyja abjekty «Dubova-lipavy masiŭ «Biełaja Dača» (tam rastuć drevy va ŭzroście pryblizna hadoŭ 100—120), «Viekavaja aleja» i «Viekavaja dubrova parku Kurasoŭščyna», «Klony Alaksandraŭskaha skviera» (2 drevy, jakim, pavodle acenak śpiecyjalistaŭ, kala 140 hadoŭ) «Jasień Alaksandraŭskaha skviera» (pasadžany aryjentavana ŭ siaredzinie XIX stahodździa) atrymali status bataničnych pomnikaŭ pryrody miascovaha značeńnia. Takoje ž hanarovaje zvańnie dastałasia lipie Hubiernatarskaha sadu, tapoli-vołatu, viekavomu dubu z parku Horkaha.
U 2018 hodzie pobač z drevami — pomnikami pryrody płanujuć ustalavać adpaviednyja šyldy.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»5
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary