Architektar za hod abyšoŭ usie 700 vulic Minska i źbirajecca nadrukavać płakat-kałaž na asnovie fotazdymkaŭ z šyldami
Hod tamu Hleb Sinicki kinuŭ sabie vyklik i vyrašyŭ naviedać usie vulicy rodnaha Minska (biez zavułkaŭ i praśpiektaŭ). U vyniku jon strymaŭ słova i prajšoŭsia bolš čym pa 700 vulicach.
Šyldy z nazvami jon fatahrafaŭ i kožny dzień vykładaŭ ich u instahram, supravadžajučy histaryčnaj daviedkaj: kali heta vulica źjaviłasia ŭ horadzie, u honar kaho nazyvajecca i hetak dalej.
Niahledziačy na toje, što chłopiec naradziŭsia i vyras u Minsku, tolki dziakujučy takim padrabiaznym prahułkam jon zmoh paznajomicca z horadam ščylna. Šmat što ździviła: naprykład, asablivaja atmaśfiera Brest-Litoŭskaj vulicy ŭ centry, što zamknionaja čyhunkaj i druhim transpartnym kalcom, i toje, što pryvatny siektar niečakana vyjaŭlajecca tam, dzie, zdavałasia b, jaho ŭžo daŭno nie moža być.
Na niekatorych vulicach, naprykład na Zaborskaha, tabličak niama zusim, Hleb źbirajecca napisać list u harvykankam, kab jany vypravili hetuju situacyju. Asobny «fejspałm» — nazvy vulic, napisanyja z pamyłkami: naprykład, «Vasielkovaja» ci čatyry varyjanty napisańnia Kozyraŭskaj u adnym miescy.
Siarod svaich lubimych i niezvyčajnych šyld Hleb adznačaje kreatyŭnyja podpisy Palarnaj, ź miškami i ajśbierhami, i staryja varyjanty Fanipalskaj.
Ciapier jamu zastajecca naviedać usiaho niekalki kropak na staličnaj mapie (tak, u rajonie Cny prakłali niekalki novych vulic, a jašče Hleb pakul nie paśpieŭ prahulacca pa Janki Kupały) — i možna budzie vydavać płakat. «Ja chaču sabrać usie fotazdymki šyldaŭ, z dapamohaj znajomaha dyzajniera pryhoža źviarstać ich razam i nadrukavać na płakacie A0. Paśla budu prezientavać heta ŭsim achvotnym. Čynoŭnikam abaviazkova padaru, bo składvajecca ŭražańnie, što jany słaba znajomyja z hieahrafijaj horada», — dzielicca płanami Hleb.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary