Biełaruska-japonski brend adzieńnia prapanuje sustrakać zimu ŭ płaščach z pravakacyjnym nadpisam «Aryštuj mianie»
Brend adzieńnia Seremony vypuskaje mužčynskija kambiniezony, płaščy i pižamy. Na detali apošniaj kalekcyi dyzajnieraŭ natchnili biełaruskija realii. Vialiki anhłamoŭny nadpis «Aryštuj mianie» na śpinie dla ich — zaklik źviarnuć uvahu na prablemy i nie pierastavać myślić krytyčna.
Nad kancepcyjaj Seremony, jaki fizična aformiŭsia ŭ kastryčniku 2017 hoda, pracujuć dva dyzajniery: Robiert Varaniecki ź Minska i jaho siabar Takašy Ita z Asaki (Japonija).
Pieršapačatkova chłopcam chaciełasia zajmacca mienavita mužčynskaj modaj, bo jany bačać, što mužčyn pa hetaj častcy dyskryminujuć. «Nie źviartajučysia da zamiežnych rytejleraŭ, składana kupić rečy bolš składanaj kanstrukcyi, kroju abo faktury. Pieravažnaja bolšaść ajčynnych dyzajnieraŭ abrali dla siabie žanočuju aŭdytoryju. My zapaŭniajem hety prabieł», — udakładniaje Robiert.
Ideja novych płaščoŭ naradziłasia z taho, što adbyvajecca navokał: abmiežavańnie svabody słova, tatalny kantrol nad infarmacyjaj… Svajoj vopratkaj dyzajniery nie chočuć nikoha pravakavać, a nahadvajuć nie zabyvać ab prablemach
«U biaskoncaj płyni infarmacyi prytuplajecca krytyčnaje myśleńnie, ale nie nastolki, kab ničoha nie razumieć. Admova ŭśviedamlać — heta taksama peŭnaha rodu rašeńnie, tamu my tak časta paŭtarajem frazu, što našy rečy «dla mužčyn, jakija vyznačylisia ź niečym». Niekalki miesiacaŭ tamu my sutyknulisia ź situacyjaj, absurdnaść jakoj zaškalvała. Našaha siabra ź Nihieryi aryštavali. Dva miesiacy jon pravioŭ za kratami. Nie budziem udavacca ŭ padrabiaznaści, skažam tolki, što aryšt staŭ dadatkovym šturškom dla naniasieńnia hetych zajaŭ na płaščy. Takija rečy ŭ nas mohuć zdarycca z kožnym», — raskazvajuć chłopcy.
Pierš čym pačać pradavać płaščy, Robiert peŭny čas teściravaŭ vopratku sam. Kaža, što ŭvahi płašč pryciahvaje vielmi šmat, tamu jon nie dla bajaźlivych klijentaŭ. Zatoje padydzie tym, chto pastajanna zamiarzaje: dyzajniery śćviardžajuć, što vinił razam z uciaplalnikam dazvalaje kamfortna adčuvać siabie navat u minus 25.
-
Novaja moda — «vušy elfa». Što hetaje takoje, jak vyhladaje i jak taho dasiahnuć
-
«Ideja — seks»: sacsietki ŭ zachapleńni ad chłopcaŭ, jakija na ŭniviersiteckim konkursie pryhažości vyjšli ŭ vyšyvankach
-
Epocha adradžeńnia i apsajklinh — u Varšavie prajšoŭ modny pakaz novych kalekcyj biełaruskich dyzajnieraŭ
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach32
Kamientary