Biełarusy źbirajuć na kraŭdfandynhu hrošy na travu, jakuju majuć pradavać pa 230 jeŭra
Na suśvietnaj kraŭdfandynhavaj placoŭcy Kickstarter źbirajuć hrošy na realizacyju prajektu Greenox, jaki praduhledžvaje vytvorčaść pryłady pa vyroščvańni zielaniny, bieź niepasrednaha ŭdziełu ŭ pracesie čałavieka.
Instalacyja vyhladaje jak vialikaja abjomnaja fotaramka. Usio što patrabujecca ad čałavieka — zasypać u hlebu na nižnim uzroŭni nasieńnie, jakoje papiarednie zachoŭvajecca na vierchnim, zalić u adpaviedny bak zboku vadu i pastavić usio heta ŭ śvietłaje miesca.
Sistema sama zmoža kantralavać tempieraturu i vilhotnaść hleby. Infarmacyja ab stanie raślinaŭ budzie pieradavacca na smartfon, takim čynam haspadar zmoža razumieć, ci dastatkova raśliny atrymlivajuć śviatła i ci nie zakončyłasia ŭ baku vada.
Na momant napisańnia artykuła raspracoŭščyki sabrali bolš za 5 000 dalaraŭ z 30 000, jakija płanujuć sabrać. Zrešty, napieradzie jašče 29 dzion, tamu całkam mahčyma, što taki dziŭny «devajs» źjavicca na palicach kramaŭ.
Usim achviaradaŭcam prapanujuć papiarednie nabyć pryładu za 230 dalaraŭ.
Raspracoŭščyki Greenox znachodziacca ŭ Bierlinie, ale źjaŭlajucca vychadcami ź Biełarusi.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary