Bazavaje pahadnieńnie ab partniorstvie pamiž Biełaruśsiu i Jeŭrasajuzam rana ci pozna budzie, hetamu ničoha nie pieraškadžaje i ŭsie baki razumiejuć, što pahadnieńnie treba zaklučyć. Pra heta pierad pačatkam samita Uschodniaha partniorstva ŭ Bruseli zajaviŭ kiraŭnik MZS Biełarusi Uładzimir Makiej, paviedamlaje Tut.by.
— Ja pierakanany, što novaje pahadnieńnie pamiž Biełaruśsiu i Jeŭrasajuzam budzie i budzie rana ci pozna. My z našymi jeŭrapiejskimi partniorami pracujem nad hetym, — skazaŭ Makiej. — Hetamu ničoha nie pieraškadžaje, treba ruchacca pastupova. Treba rabić tyja kroki, jakija kožny z bakoŭ pavinien zrabić. Razumieńnie, što heta pahadnieńnie treba zaklučyć, mnie zdajecca, jość.
Pytańni jadziernaj biaśpieki ŭ aśpiekcie budaŭnictva biełaruskaj AES, pra jaki ŭvieś čas nahadvaje ES jak pra adno z pryjarytetnych pytańniaŭ dla pašyreńnia supracoŭnictva ź Biełaruśsiu, krainy Jeŭropy ŭsprymajuć pa-roznamu, ale biełaruski bok hatovy abmiarkoŭvać ich adkryta.
— ES hladzić na hetaje pytańnie pa-roznamu, ale my supracoŭničajem siońnia ź ES i my adkrytyja da supracoŭnictva. Bolš za toje: my mahli nie pravodzić stres-testy, niahledziačy na patrabavańnie Jeŭrakamisii, ale praviali, tamu što sami vyrašyli heta zrabić, — zajaviŭ Uładzimir Makiej.
Kiraŭnik MZS taksama raskazaŭ, što ŭ čas samita biełaruskaja delehacyja płanuje ŭ tym liku abmierkavać miemarandum ab pryjarytetach partniorstva.
***
Uschodniaje partniorstva — prajekt Jeŭrapiejskaha sajuza, jaki maje asnoŭny zajaŭlenaj metaj raźvićcio intehracyjnych suviaziaŭ Jeŭrasajuza z šaściu krainami byłoha SSSR: Ukrainaj, Małdovaj, Azierbajdžanam, Armienijaj, Hruzijaj i Biełaruśsiu. U hetym hodzie samit prachodzić u Brusieli.
U hetym hodzie ŭpieršyniu zaprašeńnie ŭ Brusel na samit Uschodniaha partniorstva, jakoje nakiravana ŭ Biełaruś, było adrasavana niepasredna Alaksandru Łukašenku. Ale pradstaŭlać našu krainu ŭ bielhijskuju stalicu pajechaŭ kiraŭnik MZS Uładzimir Makiej.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary